Бейбіт жиналыстарды ұйымдастыру және өткізу үшін арнайы орындардың тізбесі

Ақсу қалалық мәслихатының "Ақсу қаласында бейбіт жиналыстарды ұйымдастыру және өткізу үшін арнайы орындарды, бейбіт жиналыстарды ұйымдастыру және өткізу үшін арнайы орындарды пайдалану тәртібін, олардың шекті толу нормаларын, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптарды, пикеттеуді өткізуге тыйым салынған іргелес аумақтардың шекараларын айқындау туралы" 2021 жылғы 8 қантардағы № 491/73 шешіміне өзгерістер енгізу туралы

Павлодар облысы Ақсу қалалық мәслихатының 2021 жылғы 23 желтоқсандағы № 97/14 шешімі. Қазақстан Республикасының Әділет министрлігінде 2021 жылғы 27 желтоқсанда № 26103 болып тіркелді

      Ақсу қалалық мәслихаты ШЕШТІ:

1. Ақсу қалалық мәслихатының "Ақсу қаласында бейбіт жиналыстарды ұйымдастыру және өткізу үшін арнайы орындарды, бейбіт жиналыстарды ұйымдастыру және өткізу үшін арнайы орындарды пайдалану тәртібін, олардың шекті толу нормаларын, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптарды, пикеттеуді өткізуге тыйым салынған іргелес аумақтардың шекараларын айқындау туралы" 2021 жылғы 8 қантадағы № 491/73 шешіміне (Нормативтік құқықтық актілерді мемлекеттік тіркеу тізілімінде № 7169 болып тіркелген) келесі өзгерістер енгізілсін:

       көрсетілген шешімнің тақырыбы жаңа редакцияда жазылсын:

       "Ақсу қаласында бейбіт жиналыстар өткізудің кейбір мәселелері туралы";

 

       1- тармақ  жаңа редакцияда жазылсын:

       "1. Осы шешімнің 1-қосымшасына сәйкес Ақсу қаласында бейбіт жиналыстарды ұйымдастыру және өткізу үшін арнайы орындар айқындалсын.";

       келесідей мазмұндағы 1-1- тармағымен  толықтырылсын:

       "1-1. Осы шешімнің 2-қосымшасына сәйкес Ақсу қаласында бейбіт жиналыстарды ұйымдастыру және өткізу үшін арнайы орындарды пайдалану тәртібі, олардың шекті толу нормалары, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар айқындалсын.";

       көрсетілген шешімнің 1, 2- қосымшалары  осы шешімнің 1, 2- қосымшаларына  сәйкес жаңа редакцияда жазылсын;

 

       2- тармақ жаңа редакцияда жазылсын:

       "2. Осы шешімнің 3-қосымшасына сәйкес Ақсу қаласында пикеттеуді өткізуге тыйым салынған іргелес аумақтардың шекаралары айқындалсын.";

 

       3-тармақ алынып тасталсын;

       осы шешім көрсетілген шешімнің 3-қосымшасына сәйкес 3-қосымшамен толықтырылсын.

2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Ақсу қалалық мәслихатының хатшысы		М. Омаргалиев
	Ақсу қалалық мәслихатының 2021 жылғы 23 желтоқсандағы № 97/14 шешіміне 1-қосымша
	Ақсу қалалық мәслихатының 2021 жылғы 8 қаңтардағы № 491/73 шешіміне 1-қосымша

 Ақсу қаласында бейбіт жиналыстарды ұйымдастыру және өткізу үшін арнайы орындар

      Ақсу қаласында бейбіт жиналыстарды ұйымдастыру және өткізу үшін арнайы орындар:

       1) Ақсу қаласы, Абай көшесі, Иманжүсіп Құтпанұлы атындағы спорттық-сауықтыру кешеннің алдындағы алаң;

      2) бейбіт жиналыстарды өткізу үшін жүру бағыты: Ақсу қаласы, Абай көшесі, Калинин көшесінен Ертіс көшесіне дейін.

	Ақсу қалалық мәслихатының 2021 жылғы 23 желтоқсандағы № 97/14 шешіміне 2- қосымша
	Ақсу қалалық мәслихатының 2021 жылғы 8 қаңтардағы № 491/73 шешіміне 2-қосымша

 Ақсу қаласында бейбіт жиналыстарды ұйымдастыру және өткізу үшін арнайы орындарды пайдалану тәртібі, олардың шекті толу нормалары, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар

1. Осы Ақсу қаласында бейбіт жиналыстарды ұйымдастыру және өткізу үшін арнайы орындарды пайдалану тәртібі, олардың шекті толу нормалары, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар "Қазақстан Республикасында бейбіт жиналыстарды ұйымдастыру және өткізу тәртібі туралы" Қазақстан Республикасының Заңына (бұдан әрі – Заң) сәйкес әзірленді.
2. Арнайы орындар санитариялық нормалар мен өрт қауіпсіздігі қағидаларын сақтай отырып пайдаланылады. Арнайы орындарда жоспарланған басқа да ресми, мәдени, ойын-сауық мәдени-бұқаралық, дене шынықтыру-сауықтыру, спорттық және өзге де іс-шараларды өткізу, құрылыс-монтаждау жұмыстарын жүзеге асыру туралы ақпарат болмаған жағдайда, бейбіт жиналыстарды өткізуге жол беріледі.
3. Бейбіт жиналыстар өткізуді материалдық-техникалық және ұйымдастырушылық қамтамасыз етуді оларды ұйымдастырушы мен оларға қатысушылар өз қаражаты есебінен, сондай-ақ осы бейбіт жиналыстарды өткізу үшін жиналған және (немесе) берілген қаражат пен мүлік есебінен, егер Заңда және Қазақстан Республикасының өзге де заңдарында өзгеше белгіленбесе, жүзеге асырады.
4. Ақсу қаласында бейбіт жиналыстарды ұйымдастыру және өткізу үшін арнайы орындардың шекті толу нормалары:

      1) Ақсу қаласы, Абай көшесі бойынша орналасқан Иманжүсіп Құтпанұлы атындағы спорттық-сауықтыру кешеннің алдындағы алаң, шекті толу нормасы –200 адам;

      2) бейбіт жиналыстарды өткізу үшін жүру бағыты:Ақсу қаласы, Абай көшесі, Калинин көшесінен Ертіс көшесіне дейін, шекті толу нормасы - 250 адам.

5. Жергілікті атқарушы органның келісімінсіз бейбіт жиналыстар ұйымдастыру және өткізу үшін арнайы орындарда киіз үйлер, шатырлар, өзге де құрылысжайлар орнатуға жол берілмейді.
6. Дәл сол бір жерде және (немесе) дәл сол бір жүру маршруты бойынша не дәл сол бір уақытта бейбіт жиналыс өткізуге бір мезгілде бірнеше бейбіт жиналыстарды ұйымдастырушы үміткер болған жағдайда, көрсетілген орынды пайдалану кезектілігін жергілікті атқарушы орган бейбіт жиналыстарды ұйымдастырушыдан тиісті хабарламаны немесе өтінішті алған уақытын негізге ала отырып айқындайды.
7. Әлеуметтік қашықтықты сақтау мақсатында, пикеттеуден басқа, бейбіт жиналысқа қатысатын адамдардың арасындағы ең аз жол берілетін қашықтық кемінде екі метрді құрайды.
8. Бір қатысушы өткізетін пикеттеуді жүзеге асыратын адамдар арасындағы ең аз жол берілетін қашықтық кемінде 100 метрді құрайды.
9. Бейбіт жиналыстар өткізілетін күні Ақсу қаласының жергілікті уақыты бойынша сағат 9-дан ерте бастауға және сағат 20-дан кеш аяқтауға болмайды.

Ақсу қалалық мәслихатының 2021 жылғы 23 желтоқсандағы № 97/14 шешіміне 3-қосымша

 Ақсу қаласында пикеттеуді өткізуге тыйым салынған іргелес аумақтардың шекаралары

      Пикеттеуді мынадай объектілерге іргелес жатқан аумақтарының шекарасынан 400 метр қашықтықта:

      1) жаппай жерлеу орындарында;

      2) теміржол, су, әуе және автомобиль көлігі объектілерінде және оларға іргелес жатқан аумақтарда;

      3) мемлекеттің қорғаныс қабілетін, қауіпсіздігін және халықтың тыныс-тіршілігін қамтамасыз ететін ұйымдарға іргелес жатқан аумақтарда;

      4) қауіпті өндірістік объектілерге және пайдалануы арнайы қауіпсіздік техникасы қағидаларын сақтауды талап ететін өзге де объектілерге іргелес жатқан аумақтарда;

      5) магистральдық теміржол желілерінде, магистральдық құбыржолдарда, ұлттық электр желісінде, магистральдық байланыс желілерінде және оларға іргелес жатқан аумақтарда өткізуге тыйым салынады.

© 2012. Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» ШЖҚ РМК