2023 жылғы 4 наурыз күні Балалар шығармашылық үйінің ғимаратында 2023 жылғы 19 наурызда өтетін сайлауға дайындық ұйымдастыру және өткізу мәселелері бойынша семинар-кеңес өтті, онда Ақсу қаласы әкімінің орынбасары Н.Ж.Байбакиров, қала әкімінің аппарат бөлім басшысы М.Н.Шолақов және де әкімдіктің бөлімдері, мекемелер мен ұйымдар, кәсіпорындар, құқық қорғау органдарының өкілдері, сондай-ақ УСК және АСК төрағалары мен хатшылары, АСК мүшелері қатысты.
Семинар-кеңесті Ақсу қаласының сайлау комиссиясының төрағасы Жакыпов С.Т өткізді.
Отырыстың бірінші бөлімінде сайлау учаскелерін материалдық-техникалық жабдықтандыру, коммуналдық қызметтердің жұмысы, сайлаудың құқықтық аспектілері және т.б мәселелер қарастырылды.
Екінші бөлімде учаскелік және округтік комиссиялар жұмысының ағымдағы мәселелері қаралды. Сырттай дауыс беру бюллетеньдерімен жұмыс, комиссияның дауыс беру күні жұмысының ұйымдастырылуы мен тәртібі, хаттамалармен жұмыс істеуге ерекше назар аударылды. Стандартты емес жағдайлар, бақылаушылармен және сенім білдірілген адамдармен өзара әрекеттесу бойынша бірқатар істер қаралды. Семинар-конференция соңында комиссияларға ОСК тарапынан әдістемелік материалдар берілді.