Кене энцефалиті-орталық жүйке жүйесінің басым зақымдануымен вирустық табиғи-ошақты ауру.
Инкубациялық кезең кейде 21 күн, бірақ орташа есеппен 10 күннен екі аптаға дейін созылады.
Кене энцефалитінің алғашқы белгілері: әлсіздік және тез шаршау; қолдардағы, аяқтардағы, иық аймағындағы және басқа дене мүшелеріндегі жұлыннан шығатын нервтер бойымен жүретін ауырсыну. Мұндай белгілер пайда болған жағдайда медициналық көмекке жүгіну және дәрігерге кене шаққандығы туралы хабарлау маңызды.
Кене энцефалитінің ауруын спецификалық емес және спецификалық алдын-алу арқылы болдырмауға болады.
Біріншісі инфекцияны тасымалдаушымен байланысқа түсу ықтималдығын азайтады: кене энцефалитін жұқтырып алмау үшін сәуір айынан бастап маусым айына дейін табиғатта серуендеу кезінде кенелерді сорғызу ықтималдығын азайту керек, яғни репелленттерді қолдану қажет; табиғатта жұмыс істеген кезде, тіпті жаз мезгілінде де барынша жабық киім кию, дененің ашық жерлерін мүмкіндігінше жабу ұсынылады; орманнан үйге оралғаннан кейін киімді және денені мұқият тексеру қажет. Кене энцефалитінің алдын-алудың спецификалық емес шарасы: көктем мен жаз мезгілінде жеке участкеде шөпті шабу, кенелерді болдырмау үшін химиялық заттарды қолдану маңызды.
Серуендеуден кейін денеде кене табылған кезде не істеу керек? Оны мүмкіндігінше тезірек алып тастау керек, сол кезде ауру қоздырғышының адам қанына ену ықтималдығы төмендейді.
Кене энцефалитінің шұғыл алдын-алу кенемен байланыста болғаннан кейін жүзеге асырылады. Оны жәндіктердің инфекциясы анықталғанға дейін бастауға болады. Иммуноглобулин бұлшықеттің ішіне енгізіледі. Препарат инфекцияға қарсы екпе жүргізілмеген барлық тұлғаларға энцефалиттің профилактикалық емдеу ретінде тағайындалады, иммуноглобулин медициналық көмекке жүгінген кезде алғашқы үш күн ішінде енгізіледі.
Кене энцефалитінің жоспарлы спецификалық алдын-алу-бұл аурудың қоздырғышына қарсы вакцинаны қолдану. Қызметі кене энцефалитінің табиғи ошағында жұмыс істеуге байланысты тұлғалар профилактикалық иммундауға жатады.
Ақсу қ. СЭББ бас маманы И.А. Калёнова