Егер сіз санитариялық нормалардың бұзылуымен, сапасыз өнімдермен немесе антисанитариялық жағдайлармен бетпе-бет келсеңіз, санитариялық қызметке Е-Өтініш электрондық жүйесі арқылы өтініш бере аласыз. Бұл – мәселе туралы хабарлап, оны шешуге қол жеткізудің ресми тәсілі.
Өтініш берер алдында не білу керек. Өтініштер Қазақстан Республикасының Әкімшілік рәсімдік-процестік кодексіне сәйкес қаралады, сондықтан өтініш мүмкіндігінше нақты және шынайы болуы керек.
Жағдайды жай ғана сипаттау жеткіліксіз - бұзушылықтың қай жерде және қашан болғанын көрсету қажет; растайтын материалдарды қоса беру керек: фотосуреттер, бейнежазбалар, тауар чектері, қорытындылар және басқа да құжаттар.
Өтініш бермес бұрын Е-Өтініш жүйесінде ЭЦҚ немесе eGov порталы арқылы авторизациядан өту қажет. Өтініште міндетті түрде өзіңіздің толық деректеріңізді көрсетіңіз: тегі, аты, ЖСН, мекенжайы, байланыс телефоны және электрондық пошта. Одан кейін мәселенің мәнін баяндап, бар дәлелдерді тіркеңіз. Барлығы дұрыс толтырылғанына көз жеткізіп, өтінішті жіберіңіз.
Маңызды ақпарат: Санитариялық қызметтер өтініштерді қарауға міндетті, бірақ жоспардан тыс тексерулер Қазақстан Республикасының Кәсіпкерлік кодексінде белгіленген заңды негіздер болған жағдайда ғана жүргізіледі. Яғни, қарапайым өтініш тексерудің дереу басталуына жеткіліксіз болуы мүмкін - ол халық денсаулығына нақты қауіп төндіретін фактілерді қамтуы тиіс.
Ақсу қ. СЭББ бас маманы И.А. Калёнова