Ақсу қаласындағы төтенше жағдайлар бөлімі қызметкерлерінің және білім бөлімінің ұйымдастыруымен Ақсу қаласының №7 орта мектебі оқушылары арасында сайыс түрінде конкурс өткізілді.
Іс-шара қызықты әрі танымдық форматта өтті. Конкурстың негізгі мақсаты – оқушылардың өмір қауіпсіздігі негіздері жөніндегі білім деңгейін арттыру, сондай-ақ төтенше жағдайлар кезінде дұрыс әрекет ету дағдыларын қалыптастыру болды.
Іс-шара барысында оқушылар бірнеше кезеңге қатысты: өрт қауіпсіздігі негіздері бойынша викторина, алғашқы өрт сөндіру құралдарын дұрыс пайдалану бойынша практикалық тапсырмалар және өрт шыққан жағдайда эвакуациялау бойынша көрсетілімдер. Командалар өздерінің ұйымшылдығын, жылдам әрекет ету қабілеттерін және теориялық білімдерін іс жүзінде қолдана білуін көрсетті.
Қазылар алқасы, ТЖ бөлімінің қызметкерлерінен құрылып, қатысушылардың өнерін бірнеше критерий бойынша бағалады: тапсырмалардың дәл орындалуы, ұқыптылығы, командалық жұмыс және дайындық деңгейі. Конкурс қорытындысы бойынша жеңімпаздар грамоталармен марапатталып, барлық қатысушылар қауіпсіздік мәселелеріне белсенді және жауапкершілікпен қарағаны үшін алғысқа ие болды.
Ақсу қаласының ТЖБ инженері а/қ лейтенанты Тапалов А.Б