«Газбаллон» профилактикалық акциясы аясында Ақсу қаласының ТЖБ қызметкерлері және Ақсу қаласының тұрғын үй инспекциясы мамандарымен бірлесіп тұрмыстық газ баллондарын сату орындарында профилактикалық іс-шаралар өткізді.
Негізгі назар газ баллондарын сақтау және сату кезінде қауіпсіздік талаптарының сақталуына аударылды. Сонымен қатар сатушылармен және сатып алушылармен түсіндіру жұмыстары жүргізілді. Азаматтарға тұрмыстық газ баллондарын қауіпсіз пайдалану қағидалары, жабдықтың ақауларын анықтау белгілері және газ иісі сезілген жағдайда әрекет ету тәртібі түсіндірілді. Газ баллондарын тек рұқсат құжаттары бар мамандандырылған сауда орындарынан сатып алу қажеттігі ерекше атап өтілді.
Ақсу қаласының ТЖБ инженері а/қ лейтенанты Тапалов А.Б