Адам папилломасы вирусы
Адам папилломасы вирусы (АПВ) — тері мен шырышты қабықтарды зақымдайтын ең кең таралған вирустық инфекциялардың бірі.
АПВ-ның 100-ден астам түрі бар.
Кейбір түрлері кәдімгі сүйелдерді тудырса, ал басқа, жоғары онкогенді түрлері жатыр мойнының, жыныс мүшелерінің, анальды каналдың және ауыз-жұтқыншақтың қатерлі ісігін тудыруы мүмкін.
Жұғу жолдары:
• Жыныстық қатынас арқылы (оның ішінде ауызша және анальды)
• Терідегі микрожарақаттар арқылы
• Босану кезінде анадан балаға берілуі мүмкін
Белгілері:
Көбінесе АПВ ешқандай белгілерсіз өтеді және ағзада ұзақ уақыт жасырын түрде болуы мүмкін. Кейде мыналар байқалады:
• Жыныс мүшелеріндегі сүйелдер (кондиломалар)
• Иммунитеттің төмендеуі онкологиялық аурулардың дамуына себеп болуы мүмкін
Алдын алу:
• АПВ-ға қарсы вакцинация (ең тиімдісі — жыныстық өмір басталғанға дейін, 11–13 жас аралығында)
• Қауіпсіз жыныстық қатынас (презерватив қолдану қауіпті азайтады, бірақ толық жоймайды)
• Гинекологқа тұрақты түрде қаралу (ПАП-тест, АПВ-ға тест)
Ақсу қ. СЭББ бас маманы И.А. Калёнова