Жыл сайын жылдың күзгі-қысқы кезеңінде жіті респираторлық вирустық инфекциялармен (ЖРВИ) сырқаттанушылықтың өсуі тіркеледі. Оларға тұмау вирустары мен тұмау емес вирустар тудыратын аурулар тобы жатады, олар ауа тамшылары арқылы таралады және тыныс алу жолдарының шырышты қабығының зақымдалуымен бірге жүреді. Кез келген жастағы адамдар ауырып қалуы мүмкін, бірақ бұл ауруларға әсіресе жас балалар, жүкті әйелдер және егде жастағы адамдар осал.
Бұл аурулар біздің ағзамыз үшін қауіпсіз емес, иммунитетті төмендетеді, дұрыс емделмеген жағдайда асқынулар тудыруы мүмкін: пневмония, менингит, отит, синусит және т.б. Олар сонымен қатар әртүрлі созылмалы аурулардың өршуіне әкелуі мүмкін. Әсіресе тұмау ең ауыр асқынуларды тудырады, тіпті өлім жағдайларына дейін әкелуі мүмкін, сондықтан біздің елімізде бұл аурудың алдын алу қауіпті топтарға вакцинация түрінде жүзеге асырылады.
Вакцинациядан басқа, алдын алудың басқа әдістерін сақтау қажет: суық мезгілде жаппай іс-шараларға барудан аулақ болу, қоғамдық орындарға, әсіресе медициналық мекемелерге барған кезде бір реттік медициналық маскалар кию, суық белгілері бар адамдармен араласудан аулақ болу. Егер отбасында біреу ауырып қалса, мүмкіндігінше оған бөлек бөлме, жеке сүлгі мен ыдыс-аяқ бөлу керек. Бөлмелерді жиі желдетіп, ылғалды тазалау керек, күнделікті таза ауада серуендеу керек.
Ақсу қ. СЭББ бас маманы И.А. Калёнова