Өрт қауіпсіздігі деңгейін арттыру және халықпен кері байланысты жолға қою мақсатында Ақсу қаласы төтенше жағдайлар бөлімі нысандарда ақпараттық парақшалар орналастырды.
Әрбір парақшада осы нысанға бекітілген жауапты қызметкердің деректері көрсетілген: оның тегі, аты-жөні, лауазымы, фотосуреті және байланыс телефондары. Азаматтар қауіпсіздік ережелерінің бұзылуын анықтаған жағдайда немесе төтенше жағдайлар туындаған кезде жауапты маманға жүгіне алады.
Мұндай іс-шаралар ақпараттың ашықтығы мен қолжетімділігін қамтамасыз етеді, сондай-ақ халық пен бөлім қызметкерлері арасындағы жедел өзара іс-қимылға мүмкіндік береді.
Жауапты тұлғалардың байланыс деректерін орналастыру азаматтардың сенім деңгейін арттыруға, профилактикалық жұмысты жақсартуға және өтініштерге дер кезінде әрекет етуге ықпал етеді.
Ақсу қаласының ТЖБ инженері а/қ лейтенанты Тапалов А.Б