Ақсу қаласы ТЖБ №12 өрт бекетінің бөлімшесіне авариялық-құтқару жұмыстарын жүргізуге, жол-көлік оқиғаларының салдарын жоюға және зардап шеккендерге көмек көрсетуге арналған жедел әрекет ету автокөлігі (бұдан әрі – ЖӘЕА) келіп түсті
Аталған автокөліктің негізгі міндеті – бөлімшенің төтенше жағдайлар кезінде жедел әрекет етуге дайындығын қамтамасыз ету және заманауи авариялық-құтқару жабдықтарын пайдалана отырып құтқару іс-шараларын жүргізу болып табылады.
Жаңа техника келіп түсуіне байланысты 2025 жылғы 10 қараша күні бөлімшеде ЖӘЕА-1,0 автокөлігінде орнатылған авариялық-құтқару құралдарын зерделеу бойынша жеке құраммен оқу сабағы өткізілді. Сабаққа Ақсу қаласының құтқару бөлімшесінің қызметкерлері тартылып, құтқару жұмыстарын орындау кезінде құралдарды пайдалану тәртібін көрсетті.
Оқыту барысында жеке құрам авариялық-құтқару жабдықтарының құрылысы, техникалық сипаттамалары, пайдалану және қызмет көрсету ережелерімен егжей-тегжейлі танысты.
Ақсу қаласының ТЖБ инженері а/қ лейтенанты Тапалов А.Б