Өрт қауіпсіздігі айлығы аясында Ақсу қаласының ТЖБ қызметкерлері мен әкімдік өкілдері Еңбек ауылында тұрғындардың үйлерін аралап, профилактикалық іс-шара өткізді.
Өрт қауіпсіздігі айлығы аясында Ақсу қаласының төтенше жағдайлар бөлімі қызметкерлері мен әкімдік өкілдері Еңбек ауылында әлеуметтік осал топтағы тұрғындардың үйлерін аралап, профилактикалық іс-шара өткізді.
Іс-шара барысында мамандар бұрын орнатылған көмірқышқыл газы датчиктерінің жарамдылығын тексеріп, пештердің өрт қауіпсіздігі талаптарына сәйкестігін қарады, сондай-ақ тұрғындарға жылыту құралдарын қауіпсіз пайдалану ережелерін еске салды.
Бұдан бөлек, азаматтарға көмірқышқыл газымен уланудың алдын алу және тұрмыста өрт қауіпсіздігін сақтау жөнінде ақпараттық жадынамалар таратылды.
Ақсу қаласының ТЖБ инженері а/қ лейтенанты Тапалов А.Б