«Ауыл құтқарушылары» бастамасын дамыту аясында Ақсу қаласының аумағында жергілікті атқарушы органдардың өрт сөндіру бекеттеріне арнайы техникаға эмблемалар орнатылды.
Бұл оқиға ерікті өрт сөндіру құрамаларының жұмысын мойындаудың белгісі болып, олардың халық арасындағы танымалдығын арттырады.
«Ауыл құтқарушылары» эмблемасы — бұл бейжай қарамайтын, батыл әрі төтенше жағдайларда көмек көрсетуге дайын адамдардың танымал белгісіне айналды.
Эмблемаларды орнату ауылдық еріктілердің өрт қауіпсіздігін қамтамасыз ету мен азаматтық қорғау деңгейін арттыруға қосқан үлесін атап өту мақсатында жүзеге асырылды.
Эмблемаларды орнату — ерікті құтқарушылардың әлеуетін арттыруға бағытталған үлкен жоспардың бір бөлігі ғана.
Ақсу қаласының ТЖБ