Сайлау учаскесіндегі тәртіп қағидаларын  бекіту туралы

 

ПАВЛОДАР ОБЛЫСЫ  АҚҚУЛЫ АУДАНДЫҚ АУМАҚТЫҚ САЙЛАУ  КОМИССИЯСЫ

ТЕРРИТОРИАЛЬНАЯ ИЗБИРАТЕЛЬНАЯ КОМИССИЯ  РАЙОНА АҚҚУЛЫ  ПАВЛОДАРСКОЙ ОБЛАСТИ

 

ҚАУЛЫ

ПОСТАНОВЛЕНИЕ

_____________№__________

 

Аққулы ауылы село Аққулы

Сайлау учаскесіндегі тәртіп қағидаларын 

бекіту туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының     20-1-бабы 3-тармағының 4) тармақшасына, 39-бабы 2-тармағына сәйкес  Аққулы аудандық аумақтық сайлау комиссиясы ҚАУЛЫ ЕТЕДІ:

1. Қоса берілген сайлау учаскесінің дауыс беруге арналған үй-жайдағы тәртіп қағидалары бекітілсін.
2. Тәртіп қағидалары учаскелік сайлау комиссияларының үй-жайдағы сайлау учаскесінде орналастырылсын.
3. Осы қаулы қол қойылған күнінен бастап күшіне енеді.

Төраға                                                                           Г.Қ. Қалиева

 

Хатшы                                                                           Б.Ж.Мукатаева.

Аудандық аумақтық

сайлау комиссиясының 

№12 қаулысымен

2020 жылғы 31 желтоқсанда 

бекітілген

 

Дауыс беруге арналған үй-жайдағы тәртіп қағидалары 

 

1. Осы дауыс беруге арналған үй-жайдағы тәртіп қағидалары «Қазақстан Республикасындағы сайлау туралы» Қазақстан Республикасы Конституциялық заңының (бұдан әрі - Конституциялық заң) 20-1-бабы 3-тармағының 4) тармақшасына, 39-бабының 2-тармағына сәйкес әзірленді және сайлау процесіне қатысушылардың өзін-өзі ұстау тәртібін белгілейді. 
2. Осы Қағидалар дауыс беруге арналған үй-жайдағы барлық адамдар үшін белгіленеді.
3. COVID-19 коронавирустық инфекциясының (бұдан әрі – КВИ) таралуына байланысты қатерлердің алдын алу, санитарлық-эпидемиологиялық қауіпсіздікті және азаматтардың денсаулығын қорғауды қамтамасыз ету  мақсатында дауыс беруге арналған үй-жайда дене температурасы жоғары (37°C–ден жоғары) және КВИ ауруының өзге де симптомдары бар, сондай-ақ өзін-өзі оқшаулау, карантин немесе қатаң оқшаулау шарттары қолданылатын сайлау процесіне қатысушылардың үй-жайда болуына жол берілмейді.

КВИ ауруының белгілері бар азаматтарды анықтау үшін дауыс беруге арналған үй-жайда кіре берісте температураны кезекші медицина қызметкерлері немесе еріктілер байланыссыз термометрлер арқылы өлшеуді қамтамасыз етеді.

Сайлау процесіне қатысушыларда дене қызуының жоғарлауы (37°C–ден жоғары), КВИ ауруының өзге де белгілері анықталған жағдайда медицина қызметкерінің қарауы немесе жедел жәрдемнің келуін күтуі үшін оларды сайлау учаскесіндегі жеке үй-жайда оқшалауын қамтамасыз етеді. Бұл ретте сайлаушы дауыс беруге арналған  үй-жайдан тыс жерде (Конституциялық заңның 41-бабының 6-тармағында белгіленген тәртіппен) дауыс беруге құқылы.

4. Сайлау процесінің барлық қатысушылары коронавирустық инфекциясының таралуының алдын алу шараларын сақтауы қажет: бір-бірінен кемінде 1,5 - 2 метр әлеуметтік қашықтықта болу; бір реттік медициналық немесе қорғау маскаларын кию режимі; қолды дезинфекциялау үшін антисептикалық құралдарды пайдалану; қол алысуды немесе тікелей байланыстың басқа нысандарын болдырмау.

Дезинфекциялау құралдарын пайдалана отырып, дауыс беруге арналған үй-жайды үнемі ылғалды жинауды жүргізу, дауыс беруге арналған кабиналарды өңдеу, дауыс беру басталар алдында және қажеттілігіне қарай күні бойы үй-жайды желдету қамтамасыз етіледі.

5. Учаскелік сайлау комиссиясының төрағасы (бұдан әрі - төраға) дауыс беруге арналған үй-жайда бір мезгілде болған сайлау процесіне қатысушылардың санын (сайлаушылар, сенім білдірілген адамдар, байқаушылар, бір уақытта сайлау учаскесінде болған бұқаралық ақпарат құралдары (бұдан әрі - БАҚ) өкілдерінің санын реттейді; тәртіпке жауапты болады және осы Конституциялық заңның ережелерін бұзып, дауыс беруді өткізуге кедергі келтірген кез келген адамның ол жерден кетуін талап етуге хақылы.

Дауыс беруге арналған үй-жайда сайлау процесіне қатысушылардың барлығы сайлау комиссиясының санитарлық қауіпсіздік шараларын қамтамасыз ету жөніндегі талаптары мен нұсқауларын сақтайды.

6. Сайлау комиссиясы дауыс беру басталғанға дейін бір сағат бұрын дауыс беруге арналған учаскені ашуға кіріседі.

Дауыс беру Конституциялық заңның 41 және 42-баптарында белгіленген тәртіпке сәйкес жүзеге асырылады.

Сайлау бюллетеньдерін беру кезінде сайлаушының жеке басын куәландыратын құжат сайлау комиссиясының мүшесіне онда көрсетілген мәліметтерді қарауға мүмкіндік беретін қашықтықтан көру үшін ұсынылады. Сайлау комиссиясы мүшесінің өтініші бойынша жеке басын растайтын сайлаушы уақытша маскасын шешіп алады.

Сайлаушылар қашықтық белгілеулер мен қозғалыс маршруты (бағыттамалар) бойынша нұсқағыштарды ұстанады.

7. Сайлаушы тізімге енгізілмеген, дұрыс енгізілмеген немесе тізімнен шығарылған, сондай-ақ тізімде жаңсақтық жіберілгені анықталған жағдайда учаскелік сайлау комиссиясына тиісті жазбаша өтінішпен жүгінуге құқылы. Учаскелік сайлау комиссиясы бұл өтінішті дереу қарайды.

Арыз мақұлданбаған жағдайда сайлау комиссиясы арызданушыға оның арызының мақұлданбағаны туралы дәлелдi шешiмнiң көшiрмесiн дереу бередi. Шешiмге сайлау комиссиясы орналасқан жердегі тиiстi сотқа шағым жасалуы мүмкін, сот шағымды келіп түскен күні қарайды. 

Арызданушы үшiн дұрыс шешiм қабылданған жағдайда сайлау комиссиясы сайлаушылар тiзiмiне түзетудi немесе енгiзiлмеген сайлаушыны тiзiмге енгiзудi дереу жүргiзедi.

Сайлау учаскесінде сайлаушының өтініші бойынша азаматтың тіркеу орнын тексеру жөніндегі сервис ұйымдастырылады. Тексеруді сайлау комиссиясының уәкілетті мүшесі дереу жүзеге асырады.

8. Дауыс беру күні сайлау учаскесі ашылған кезден бастап және дауыс беруге арналған үй-жайда дауыс беру нәтижелері анықталғанға дейін бір мезгілде қатысуға құқылы:

          1) партиялық тізімдерді ұсынған әрбір саяси партиядан сенім білдірілген адамның куәлігі мен Қазақстан Республикасы азаматының жеке басын куәландыратын құжаты болған кезде сенім білдірілген бір-бір адамнан;

          2) Қазақстан Республикасының әрбір саяси партиясынан, өзге де қоғамдық бірлестігінен, басқа да коммерциялық емес ұйымынан бір-бір байқаушыдан (бұдан әрі - ұлттық байқаушылар), егер:

           - байқаушының тегі, аты, әкесінің аты, сайлау учаскесінің нөмірі, қандай сайлауды байқауға уәкілетті екені көрсетілген, байқаушыны жіберген ұйымның мөрімен куәландырылған, қол қойылған жазбаша жолдама;

- заңды тұлғаны мемлекеттік тіркеу (қайта тіркеу), филиал мен өкілдікті есептік тіркеу (қайта тіркеу) туралы анықтамалар;

- байқаушыны жіберген ұйымның мөрімен куәландырылған, қызметінің мақсаты азаматтардың саяси құқықтары мен бостандықтарын іске асыруға және қорғауға байланысты жарғы (ереже) немесе жарғыдан үзінді көшірме;

- байқаушының жазбаша жолдауына қол қойған адамның өкілеттігін растайтын құжат (жарғы, ереже) немесе одан үзінді, жіберуші  ұйымның басшысын тағайындау туралы бұйрық немесе өкімнен көшірме, ұйымның құжаттарына қол қою үшін сенімхат);

- Қазақстан Республикасы азаматының жеке басын куәландыратын құжат.

Байқаушыны сайлау учаскесіне жіберу үшін заңды тұлғаның қолданыстағы мәртебесі болуы тиіс, яғни оның қызметінің тоқтата тұрылмауы, оған қатысты тарату рәсімдерінің басталмауы тиіс.

3) қызметтік куәлігі мен редакцияның тапсырмасы болған кезде Қазақстан Республикасының әр бұқаралық ақпарат құралдарынан бір-бір өкілден;

4) Орталық сайлау комиссиясының аккредиттеу туралы құжаты және жеке басын куәландыратын құжаты болған кезде шет мемлекеттер мен халықаралық ұйымдардың байқаушылары;

5) Қазақстан Республикасы Сыртқы істер министрлігінің аккредиттеу туралы құжаты және жеке басын куәландыратын құжат болған кезде шетелдік БАҚ өкілдері.

Шет мемлекет пен халықаралық ұйым байқаушысы, шетелдік БАҚ өкілі жеке басын куәландыратын құжатты көрсеткен кезде аудармашымен бірге жүре алады.

Дауыс беруге арналған үй-жайда болу өкілеттіктер растайтын құжаттар төрағаға сенім білдірілген адамдарды, саяси партиялардың, өзге де қоғамдық бірлестіктердің, коммерциялық емес ұйымдардың байқаушыларын, Қазақстан Республикасының БАҚ өкілдерін, шет мемлекеттердің, халықаралық ұйымдардың байқаушыларын және шетелдік БАҚ өкілдерін тіркеу журналына тіркеу үшін беріледі.

Осы Қағидалардың 8-тармағының 2) тармақшасында көрсетілген құжаттар есепке алу журналына тіркеледі.

Учаскелік сайлау комиссиясы жоғарыда аталған адамдарды сайлау учаскесіне орналастыру мүмкіндіктеріне сүйене отырып, тіркейді.

Тіркеу журналына сенім білдірілген адамдар, саяси партияның байқаушылары, өзге де қоғамдық бірлестіктері, коммерциялық емес ұйымдары, Қазақстан Республикасының БАҚ өкілдері, халықаралық ұйым және шетелдік БАҚ өкілдері сайлау учаскесінде тәртіп қағидаларымен танысқаны туралы қолын қояды.

Байқаушылардың, сенім білдірілген адамдардың, шетелдік байқаушылар мен БАҚ-тың құқықтары мен міндеттері Конституциялық заңның 20-1, 20-2, 31-баптарында көзделген.

9. Дауыс беруге арналған ұй-жайда байқау Конституциялық заңның 20-1 және 20-2-баптарында белгіленген құқықтар мен міндеттерге сәйкес жүзеге асырылады.
10. Дауыс беруге арналған үй-жайда сенім білдірілген адамдарды, ұлттық байқаушыларды, шет мемлекеттер мен халықаралық ұйымдардың байқаушыларын, БАҚ өкілдерін орналастыратын, сайлау жәшіктерін, жасырын дауыс беруге арналған кабиналарға кіруді және шығуды әлеуметтік қашықтық талаптарын ескере отырып, қамтамасыз етуге мүмкіндік беретін аймақ айқындалады.

Фото және бейне жазбаларды жүзеге асыру және пайдалану  дауыс беру құпиясын, сайлаушылардың дербес деректерін және заңнаманың өзге де талаптарын қорғау ескеріле отырып жүргізілуге тиіс. 

11. Сайлау процесіне қатысушылар өз құқықтары мен міндеттерін орындамаған жағдайда Әкімшілік құқық бұзушылық туралы Кодекске және Қылмыстық кодекске сәйкес әкімшілік және қылмыстық жауапкершілікке тартылады. 
12. Қазақстан Республикасының сайлау туралы заңнамасын, сондай-ақ осы Қағидаларды бұзған жағдайда учаскелік сайлау комиссиясының мүшесі оның жұмысына қатысудан дереу шеттетіледі, ал байқаушы мен өзге адамдар сайлау комиссиясының жазбаша нысанда қабылданған дәлелді шешімі бойынша дауыс беруге арналған үй-жайдан Конституциялық заңның 39-бабына сәйкес жазбаша түрде шығарылады. 
13. Сенім білдірілген адам, байқаушы Конституциялық заңның бұзылуын анықтаған жағдайда, ол сайлау комиссиясы мүшелерінің назарын осы бұзушылыққа аударуы не төрағаға тиісті жазбаша өтініш, құжатталған, жарамды жіне тексерілетін фактілерге негізделген бұзушылық туралы акт тапсыруы және табыс етілгені туралы белгі алуы қажет.

Төраға, немесе оның міндетін атқарушы тұлға сенім білдірілген адамдардың, байқаушылардың өтініші бойынша дауыстарды санау хаттамасына өздері жасаған актілерді қоса беруге міндетті.