"Еңбек жолы 2026" республикалық байқауының басталғаны туралы
«Еңбек жолы – 2026» республикалық байқауы басталды
«Еңбек жолы» байқауының мақсаты:
-
ұрпақтар сабақтастығын сақтау;
-
еңбек адамдары туралы қоғамда оң пікір қалыптастыру және кәсіпорындар мен ұйымдарда жаңа еңбек әулеттерінің қалыптасуына жағдай жасау;
-
Қазақстан Республикасының экономикасын дамытуға елеулі еңбек үлесін қосқан отандастарымыздың жетістіктеріне қазақстандықтардың мақтаныш сезімін тәрбиелеу;
-
жастарды еңбекке құрметпен қарау рухында тәрбиелеу, еңбек дәстүрлерін сақтау және көбейту;
-
қоғамдағы Еңбек адамының мәртебесін арттыру және еңбек өнімділігін ынталандыру.
Байқауға барлық кәсіпорындардың қызметкерлері (саласына қарамастан) қатыса алады.
Байқау 3 номинация бойынша өткізіледі:
-
«Үздік еңбек әулеті» – еңбек өтілі ең ұзақ, мүшелер саны ең көп және марапаттары мол еңбек әулеті анықталады;
-
«Өндірістің үздік жас қызметкері» – еңбек өтілі 5 жылдан аспайтын ең белсенді әрі еңбекқор өндіріс қызметкері анықталады;
-
«Жұмыс істейтін жастардың үздік тәлімгері» – еңбек өтілі кемінде 20 жыл болатын ең жоғары нәтижелі тәлімгер анықталады.
Байқауға қатысу үшін 2026 жылғы 15 маусымға дейін келесі құжаттарды ұсыну қажет:
-
номинация көрсетілген еркін нысандағы қатысу туралы өтініш;
-
жеке куәліктің көшірмесі;
-
номинация тақырыбы бойынша ұзақтығы 1–3 минуттық бейнеролик (қалауы бойынша жұмыс орнын және кәсіби дағдыларын көрсетуімен);
-
конкурсант туралы (жұмысы, отбасы, қызығушылықтары, хоббиі және т.б.) ұзақтығы 1–3 минуттық компьютерлік презентация (Microsoft PowerPoint форматында);
-
еңбек әулетінің әрбір өкілінің немесе қызметкердің еңбек өтілін растайтын еңбек кітапшасының және өзге де құжаттардың жұмыс беруші куәландырған көшірмелері немесе жұмыс орнынан анықтама;
-
жұмыс берушіден немесе кәсіподақтан ұсыным хат.
Қосымша ретінде (бар болған жағдайда) келесі құжаттардың көшірмелері ұсынылады: мемлекеттік немесе ведомстволық наградалар, құрмет грамоталары, алғыс хаттар, біліктілікті арттыру сертификаттары.
Байқау туралы толық ақпаратты Солтүстік Қазақстан облысы Тимирязев ауданы әкімдігінің «Жұмыспен қамту және әлеуметтік бағдарламалар бөлімі» КММ-нен немесе 2-14-41 телефоны арқылы алуға болады.