1) жеке және заңды тұлғалардың құқықтары мен заңды мүдделерін іске асыру барысында қамтамасыз етеді:
азаматтардың құқықтары мен бостандықтарының басымдығын, азаматтар мен ұйымдардың өтініштерін қарау кезінде бюрократизм мен волокитаға жол бермеуді;
азаматтардың құқықтары мен заңды мүдделерін іске асырудың барынша қысқа мерзімде жүзеге асырылуын;
мемлекеттік қызметтерді мемлекеттік қызметтер стандарттары мен регламенттеріне сәйкес көрсетуді;
қызмет алушыларға шығу тегі, әлеуметтік, лауазымдық және мүліктік жағдайы, жынысы, нәсілі, ұлты, тілі, дінге көзқарасы, нанымы, тұрғылықты жері немесе өзге де жағдайларға қарамастан тең қолжетімділікті;
жол берілмейді:
азаматтың өтінішін қарауды объективті шешім қабылдауға мүдделі емес деп негізді пайымдауға болатын тұлғаға жүктеуге;
шағымды берген адамға зиян келтіру немесе оның мүддесі үшін берілген шағым бойынша кері әсер ету жағдайларына;
өтініште әрекеттеріне шағым жасалып отырған лауазымды адамдарға өтінішті жолдауға;
азаматтардың жеке өмірі, жеке және отбасылық құпиясы туралы мәліметтерді олардың келісімінсіз жария етуге;
өтінішке қатысы жоқ азаматтың жеке басы туралы деректерді талап етуге.
2) өз құзыреті шегінде басқарушылық және өзге де шешімдерді дайындау мен қабылдау барысында қамтамасыз етеді:
құрылымдық бөлімшелер мен лауазымды адамдардың құзыреттерінің нақты ажыратылуын және үйлесімді жұмыс істеуін;
лауазымдық өкілеттіктерді орындауға қатысы жоқ және (немесе) Қазақстан Республикасы заңнамасын бұзуға бағытталған бұйрықтар мен нұсқаулықтарды шығаруға жол бермеуді;
меритократия қағидаттарын сақтауды;
қабылданатын шешімдердің заңдылығы үшін дербес жауапкершілікті.
3) нормативтік құқықтық актілер жобаларын дайындау кезінде қамтамасыз етеді:
нормативтік құқықтық актіні тек Қазақстан Республикасының заңнамасында оны қабылдау құзыреті тікелей көзделген жағдайларда қабылдауды;
азаматтардың құқықтарын іске асыруға қатысты шешім жобасын келісетін инстанциялар санын барынша азайтуды;
сыбайлас жемқорлық көріністеріне жол бермеуді.
4) өмір сүру саласының ерекшелігіне байланысты туындайтын өзге де қарым-қатынастарда:
қоғамның мемлекеттік қызметке, мемлекетке және оның институттарына деген сенімін сақтайды және нығайтады;
жалпыға бірдей моральдық-этикалық нормаларды сақтайды;
азаматтардың әлеуметтік қорғау, еңбек бостандығы, қызмет және кәсіп түрін еркін таңдау құқықтарын іске асыруы үшін жағдай жасайды;
жұмыспен қамту және әлеуметтік қорғау саласындағы қызметті жүзеге асыру туралы тікелей немесе жанама басшыға хабарлайды;
мұқтаж азаматтарға әлеуметтік көмек пен жәрдемақылардың тағайындалуын қамтамасыз етеді;
кәмелетке толған азаматтарға қатысты мемлекет тарапынан қорғаншылық және қамқоршылық функцияларын орындайды;
қолданыстағы заңнамаға сәйкес әлеуметтік жағынан осал топтарға әлеуметтік көмек көрсетеді;
бағыныстылар арасында еңбек жүктемесін заңсыз бөлуге жол бермейді;
дөрекілікке, ар-намысты қорлауға, әдепсіз және орынсыз мінез-құлыққа жол бермейді;
өз қызметтік міндеттерін орындамау немесе тиісінше орындамау үшін азаматтық-құқықтық, тәртіптік, әкімшілік және қылмыстық жауаптылықта болады.
өзінің мінез-құлқымен әділдік, бейтараптық, парасаттылық, кісі қадірі мен абыройына құрмет көрсету үлгісі болады;
басшылықты жеке-дара өкімдік қызмет арқылы жүзеге асырады және қабылданатын шешімдердің заңдылығы үшін дербес жауап береді;
бағынысты қызметкердің өз қызметтік міндеттерін орындауы барысында туындаған мүдделер қақтығысын уақтылы шешу үшін барлық шараларды қабылдайды;
сыбайлас жемқорлықтың алдын алу, сондай-ақ сыбайлас жемқорлық құқықбұзушылықтарын жасататын себептер мен жағдайларды жою бойынша кешенді шаралар қабылдайды;
бағыныстылармен құмар ойындарына қатысудан бас тартады;
бағынысты қызметкерлер арасындағы сыбайлас жемқорлыққа қарсы жұмыстың жай-күйі мен олардың сыбайлас жемқорлық құқықбұзушылықтарына жол бермеуі үшін дербес жауап береді.
Қазақстан Республикасының Конституциясын және Қазақстан Республикасындағы мемлекеттік қызмет туралы заңнама талаптарын сақтауға кедергі жасамауға;
таратылуға жатпайтын қызметтік және өзге де ақпаратты мүліктік немесе мүліктік емес пайда мен артықшылықтар алу мақсатында пайдаланбауға;
сыбайлас жемқорлыққа қарсы іс-қимылда, сыбайлас жемқорлық құқықбұзушылықтарын ашуда белсенділікке кедергі жасамауға;
жоғары құқықтық және сыбайлас жемқорлыққа қарсы мәдениетті сақтауға кедергі жасамауға;
басшылыққа жеке адалдық, пайда немесе артықшылық алуға ұмтылу сияқты әрекеттерге жол бермеуге;
бағыныстылардан олардың лауазымдық өкілеттіктерінен тыс тапсырмаларды орындауды талап етпеуге.