Ауданның жалпы жер көлемі 1 126 147 га құрайды, оның ішінде ауыл шаруашылығы мақсатындағы 873 973 га, оның ішінде егістік – 486 118 га, жайылым – 374 046 га, тыңайған жерлер – 1 485 га. Ауданда жер балансы бойынша суармалы жерлердің жалпы ауданы 14 069 мың га құрайды, оның 1 500 мың га мақсатты пайдаланылады, онда көкөністер, картоп жəне жемшөп өндіру үшін жұмыстар жүргізіледі. 2017-2021 жылдарға арналған суармалы жүйелерді қалпына келтіру жоспарына сəйкес шамамен 4 692 гектарды айналымға енгізу жоспарлануда. Бұдан басқа, 10 мың гектарға шаруа, фермер қожалықтарымен жəне жауапкершілігі шектеулі серіктестіктермен ниет хаттамалары жасалды. Ауыл шаруашылығы айналымына тарту мақсатында ағымдағы жылы ауыл шаруашылығы мақсатындағы жер учаскелерін 10 жылға жалға беру бойынша 2 конкурс, жалпы ауданы 3 909 гектар 18 жер учаскесі өткізілді. 2021 жылға 17 млн. 336 мың теңге сомасына жер учаскелерін сату бойынша шарттар жасалды, оның ішінде бір мезгілде 7 млн. 979 мың теңге, бөліп төлеуге 9 млн. 357 мың теңге.