Сауда
2022 жылғы 1 қаңтардағы жағдай бойынша қалада 251 сауда объектісі, 23 қоғамдық тамақтану объектісі, 1 сауда базары және 1 коммуналдық павильон жұмыс жасайды. 2021 жылы 7 жаңа сауда объектісі және 3 қоғамдық тамақтану объектісі ашылды.
2021 жылы бөлшек тауар айналымы 6001,9 млн. теңгені құрады, бөлшек тауар айналымының НКИ 2020 жылдың деңгейіне қарағанда 93,1% құрады.
2021 жылғы 1 қаңтардағы жағдай бойынша қаланың сауда саласында жұмыспен қамтылғандар саны 2,7 мың адамды құрады.
2021 жылы экспорт бойынша сыртқы экономикалық қызметті «Kazcentrelectroprovod» ЖШС, «Восход» ЖШС, «Sunpaper» ЖШС, «Aqua Plast» ЖШС жүзеге асырды.
Экспортталатын негізгі тауарлар - сыналы белдіктер, телефон байланысына арналған электр аппаратурасы, электр кәбілдері мен сымдары, санитарлық-гигиеналық өнімдер, полиэтиленнен жасалған фитингтер мен құбырлар.
Импортталатын негізгі тауарлар шикізат пен материалдар: полиэтилен, пластикаттар, түрлі жиынтықтауыштар болды.
Экспорттық-импорттық операциялар бойынша негізгі әріптес елдер: Ресей Федерациясы, Қытай, Швейцария, Германия, Оңтүстік Корея, Беларусь, Украина, Орта Азия елдері болып табылады.