Саран қаласында бағаны тұрақтандыру мақсатында инфляциялық процестерді тежеу жөніндегі қалалық іс-шаралар жоспары іске асырылуда, ол баға деңгейіне әсер ететін жедел және ұзақ мерзімді іс-шараларды қамтиды.
Жедел іс-шаралар:
Жоспарға сәйкес әлеуметтік маңызы бар 19 азық-түлік өнімі бойынша бағаны тұрақтандыру бойынша іс-қимыл алгоритмі әзірленді, олар алып-сатуға және бағалардың негізсіз өсуіне жол бермеуге және маусымдық ауытқуларды реттеуге бағытталған өзара байланысты жедел және жүйелі шараларды қамтиды.
Коммуналдық павильон, сондай-ақ қаланың сауда объектілері бойынша әлеуметтік маңызы бар тауарлардың бөлшек сауда бағалары нарығындағы ахуалға апта сайын мониторинг жүргізіледі.
Халықты әлеуметтік маңызы бар азық-түлік өнімдерінің мониторингіне қатысты ақпараттандыру мақсатында ақпараттық тақтайшалар орнату басталды, онда кәсіпкерлердің әлеуметтік маңызы бар азық-түлік тізімінің сауда үстемесін сақтауы туралы көрсету үшін сатып алу бағасы мен сату бағасы көрсетілген, оларға үстемеақы 15%-дан аспауға тиіс. Бұзушылық тіркелген жағдайда ақпарат шаралар қабылдау үшін уәкілетті органға беріледі.
Халықтың әлеуметтік осал топтарын қолдау мақсатында бөлім бірыңғай айырым белгілерімен ресімделген «әлеуметтік сөрелер» ресімдеу, сондай-ақ әлеуметтік маңызы бар азық-түлік өнімдерімен толтыру бойынша жұмыс жүргізуде.
Бүгінгі таңда қаланың 39 сауда нүктесінде әлеуметтік сөрелер ұйымдастырылған.
Коммуналдық павильон жұмыс істейді, павильонның ішінде 13 сауда орны, аумақта 39 орын және машиналармен сауда жасау үшін 10 орын ұйымдастырылған.
Тауар интервенциясын жүргізу шеңберінде облыстың тұрақтандыру қорынан өнімді әкелу бойынша жұмыс ұйымдастырылды. Өнімді іріктеу бойынша операторлар бекітілген: бакалея, жұмыртқа, көкөніс өнімдері.
Саран қаласы әкімдігінің қаулысымен Саран қаласының кәсіпкерлік және ауыл шаруашылығы бөлімінің Ережесіне өзгерістер енгізілді.
|
әлеуметтік маңызы бар азық-түлік тауарларына рұқсат етілген шекті бөлшек сауда бағаларының мөлшерін сақтау, әлеуметтік маңызы бар азық-түлік тауарларына сауда үстемесінің мөлшерін сақтау; Қазақстан Республикасының Сауда қызметін реттеу туралы заңнамасында белгіленген сыйақы мөлшерін сақтау. |
«Уәкілетті органдарды айқындау туралы» Саран қаласы әкімдігінің 2020 жылғы 2 сәуірдегі №14/13 қаулысымен бөлімдердің құзыретіне сәйкес бақылау функциялары анықталды.
«Саран қаласының сауда объектілерінде әлеуметтік маңызы бар азық-түлік тауарларына рұқсат етілген шекті бөлшек сауда бағалары мен сауда үстемесінің, сыйақы мөлшерінің сақталуына мемлекеттік бақылау жүзеге асыру туралы» Саран қаласы әкімінің өкімі әзірленді.
Халық үшін «жедел желі» телефондары жұмыс істейді, халықтың шағымдары бойынша жұмыс топтарының шығуы ұйымдастырылған. Баға белгілеу мәселелері бойынша қала тұрғындары 74030, 74033 телефондары арқылы хабарласа алады.