5 қыркүйек — Қазақстан халқының тілдері күні. Бұл күн ұлы қазақ ағартушысы, ғалым-лингвист, қоғам қайраткері Ахмет Байтұрсынұлының туған күнімен де байланысты.
Ахмет Байтұрсынұлы қазақ тілінің, жазуының, білім беру мен мәдениетінің дамуына зор үлес қосты. Оның мол мұрасы Қазақстан тарихында ерекше орын алады.
Осы атаулы күнге орай Оқушылар шығармашылық сарайында тілдер мен Ахмет Байтұрсынұлының мұрасына арналған танымдық бағдарлама өтті. Балалар қызықты тапсырмаларға қатысып, тіл мен мәдениеттің маңызы туралы жаңа мәліметтер алды.
31 тамыз күні Өскемен қаласында «Жаңа халық Конституциясының нормалары мен құндылықтары: адами капиталды дамыту – білім беру жүйесінің стратегиялық негізі» тақырыбында тамыз конференциясы өтті.
Конференцияның мақсаты – 2025–2026 оқу жылын қорытындылау, жаңа оқу жылына міндеттерді айқындау, білім берудің өзекті мәселелерін талқылау және педагогтер арасындағы кәсіби диалогты дамыту.
Іс-шара барысында ҚР Оқу-ағарту министрінің бейнеқұттықтауы ұсынылып, Өскемен қаласы білім беру жүйесінің өткен оқу жылындағы қорытындылары мен жаңа оқу жылына арналған міндеттер таныстырылды.
Баяндамаларда мектепке дейінгі білім беруді дамыту, «Келешек мектебі», адами капитал, ұлттық құндылықтар және білім берудегі жасанды интеллект мәселелері қамтылды.
✨ Конференция соңында педагогтерді марапаттау рәсімі өтті.
Жаңа оқу жылы барша білім беру қауымдастығына жаңа мүмкіндіктер, шығармашылық табыс және жоғары жетістіктер әкелсін!
4 маусым күні «Жұлдыз» балалар өнер мектебінің көркемсурет бөлімінің оқушылары Казахстан тауының етегінде, ҚР Мемлекеттік рәміздер күніне орай «Ұлттық рәміз – ұлт рухы!» атты пленэр өткізді.
Пленэр барысында оқушылар ҚР Туы, Елтаңбасы және Әнұранының мән-мағынасын бейнелеу өнері арқылы жеткізіп, туған елге деген сүйіспеншіліктерін шығармашылық жұмыстарында көрсетті. Ашық аспан астында өткен шара балалардың көркемдік талғамын дамытып, ұлттық құндылықтарды насихаттауға ықпал етті.
2 маусымда ШҚО білім басқармасы Өскемен қаласы бойыншабілім бөлімінің «Жас техниктер станциясы» КМҚК базасында алдағы Қазақстан Республикасының Мемлекеттік рәміздер күніне орай «Жұмбақ әлем» квест ойыны өтті.
Мектеп лагерьлерінің балалары жас туристер мен геологиялық зерттеушілердің өмірін бастан кешіріп, шынайы шытырман оқиғаға аттанды. Оларға ептілік пен төзімділік сынақтарынан, тапқырлық пен логиканы тексеретін тапсырмалардан және назар аудару мен командалық жұмысты қажет ететін кезеңдерді қамтитын бағдарлама ұсынылды.
Шығыс Қазақстанның табиғатына арналған бөлім ерекше қызықты болды. Қатысушылар туған өлкелері туралы таңғажайып деректермен танысып, аймақтың табиғи ландшафттарынан шабыттанып, малтатас суреттерін жасап, шығармашылықпен айналысты.
Әрбір сынақ жаңа білімге, ең бастысы, команда болып жұмыс істеуге, бір-бірімізді қолдауға және ортақ мақсатқа қарай ұмтылуға қадам болды. Ойын атмосферасы қуанышқа, жаңалық ашуға және шынайы саяхат рухына толы болды.
Квест ойыны балаларға көп эмоциялар, жарқын әсерлерді сыйлады және жаңалық пен шытырман оқиғаларға толы жазғы демалыстың тамаша бастамасы болды.
1 маусым Балаларды қорғау күні Оқушылар сарайының шығармашылық ұжымдары облыстық «ШЫҒЫС BALAFEST» балалар шығармашылығы фестивалінің гала-концертіне қатысты. Облыстық филармония сахнасында «Ата-мұра» және «Алтын-ай» вокалдық ұжымдарының жиынтық хоры, сондай-ақ «Jingle» Черлидинг және мажореток студиясының композициясы өз шеберліктерін көрсетті. Балалар ұжымдарының жоғары сыныбын фестиваль ұйымдастырушылары атап өтіп, оларға дипломдар мен ақшалай сертификаттар табыстады. «ШЫҒЫС BALAFEST» облыстық балалар шығармашылығы фестивалінің лауреаттарын құттықтаймыз.
2 маусым күні 11-сынып оқушылары үшін Қазақстан тарихы пәнінен мемлекеттік емтихан өтті. Бүгін мектеп бітіруші түлектер Қазақстан тарихы пәнінен мемлекеттік емтихан тапсырды. Емтихан барысында оқушылар өздерінің тарихи білімдерін, ел тарихындағы маңызды оқиғалар мен тұлғалар туралы түсініктерін көрсетті.
Барлық түлектерге сәттілік, жоғары нәтиже және алдағы емтихандардан сүрінбей өтулеріне тілектеспіз!
1 маусым – Халықаралық балаларды қорғау күніне арналған мерекелік құттықтау концерті өтті.
Балалар – еліміздің жарқын болашағы, әр отбасының бақыты мен қуанышы. Осы мерекелі күні бүлдіршіндерге көтеріңкі көңіл-күй сыйлау мақсатында ән мен биге, шаттық пен қуанышқа толы мерекелік концерт ұйымдастырылды.
Барша балақайларға бақытты балалық шақ, мықты денсаулық, жарқын болашақ және асқақ армандар тілейміз!
Металлург саябағында “Жұлдыз” балалар өнер мектебінің көркемсурет бөлімі ұйымдастырған “Color Hands” атты шығармашылық іс-шара өтті!
Іс-шара барысында балалар ақ футболкаларды жарқын бояулармен безендіріп, өз қиялдары мен шығармашылық идеяларын еркін көрсетті.
Әр қатысушы ерекше дизайн жасап, өнерге деген қызығушылығын танытты.
Көңілді атмосфера, жарқын түстер мен балалардың шат күлкісі мерекеге ерекше сән берді!
2026 жылғы 29 мамырда Өскемен қаласының мектептерінде 9-сынып оқушылары үшін алгебра пәнінен қорытынды емтихан өткізілді.
2025–2026 оқу жылында 9-сыныпты 3911 оқушы аяқтайды. Оның ішінде 406 оқушы ерекше үлгідегі аттестатқа үміткер.
Емтихан барлық білім беру ұйымдарында бекітілген талаптар мен ережелерге сәйкес ұйымдастырылды. Оқушыларға қолайлы жағдай жасалып, академиялық адалдық қағидаттарының сақталуына ерекше назар аударылды.
1752 түлек колледждерде оқуын жалғастыруды жоспарлап отыр, бұл жалпы түлектер санының 44,8%-ын құрайды.
Түлектерімізге сәттілік, жоғары нәтиже және болашақта дұрыс таңдау тілейміз!