«Дене шынықтыру» пәні бойынша мектеп оқушыларының республикалық олимпиадасының облыстық кезеңі

2025 жылдың 13-15 мамыры аралығында ШҚО «Дарын» дарындылықты дамыту және қосымша білім беру ғылыми-әдістемелік орталығының ұйымдастыруымен «Дене шынықтыру» пәні бойынша мектеп оқушыларының республикалық олимпиадасының облыстық кезеңі өтті.

Олимпиаданың мақсаты – оқушылардың физикалық денсаулығының, физикалық және функционалдық дайындығының деңгейін анықтау.

Олимпиадаға жалпы білім беретін мектептердің, гимназиялар мен лицейлердің 5-6, 7-8 сынып оқушылары – аудандық/қалалық кезеңнің жеңімпаздары мен жүлдегерлері қатысты.

Олимпиада екі кезеңде өтті:

1 кезең – теориялық бөлім;

2 кезең – практикалық бөлім.

Өскемен қалалық білім беру ұйымының құрама командасына № 7, 12, 32, 34, 37, 38 мектептерінің оқушылары кірді. Команданы №12 мектеп-гимназиясының тәжірибелі дене шынықтыру мұғалімдері Константин Александрович Ларионов және №32 орта мектептің дене шынықтыру пәнінің мұғалімі  Қамзина Мадина Сайранқызы басқарды.

Олимпиаданың қорытындысы бойынша екі жас тобы бойынша ұлттық құрама 1 орынға ие болды!

Жеңімпаздар мен жүлдегерлерді жоғары нәтижелерге жетулерімен құттықтаймыз!