«Табыс психологиясы. Қорқыныш пен күмәнді қалай жеңуге болады» тақырыбындағы воркшоп

«Табыс психологиясы. Қорқыныш пен күмәнді қалай жеңуге болады» тақырыбындағы воркшоп, қала мектептерінің 11-сынып бітіруші оқушыларын біріктірген ерекше кездесу болды.

2025 жылғы 11 наурыз күні Шығыс Қазақстан облысы Білім басқармасының Өскемен қаласы білім бөлімінің «Оқушылар шығармашылығы сарайы» КМҚК базасында «Табыс психологиясы. Қорқыныш пен күмәнді қалай жеңуге болады» тақырыбында воркшоп өтті, ол қала мектептерінің 11-сынып бітіруші оқушыларын біріктірді.

Мектеп бітіру емтихандары – бұл тек білімді ғана емес, сонымен қатар психологиялық тұрақтылықты талап ететін үлкен сынақ. Сондықтан тәжірибелі мамандар тобы – Л.П. Куземко (КММ «Психологиялық қолдау және көмек көрсету өңірлік орталығы» директорының міндетін атқарушы), А.Д. Нугумарова (Өскемен қаласы білім бөлімінің ҚӘК әдіскері), сондай-ақ педагог-психологтар О.В. Пустовет (№2 орта мектебі КММ) және А.В. Рябичева (№11 лицей-мектебі КММ) бұл кешенді іс-шараны өткізіп, түлектерге өз-өзіне сенімді болуға, күйзеліс пен қобалжуды жеңуге, қорқыныш пен күмәнге қарамастан өз мақсатына батыл қадам жасауға көмектесті.

Іс-шара барысында қатысушылар өзін-өзі реттеу тәсілдері туралы құнды білім алды, қиын сәттерде эмоцияларды қалай бақылауға болатынын талқылады және табыс дегеніміз – қорқыныштың болмауы емес, қорқынышқа қарамастан әрекет ету екенін түсінді.

Әсіресе, түлектермен жұмыста өз күшіне сену, жауапкершілік, адалдық пен әділдік, өз ісін дұрыс жоспарлау, дайындалу және өз мүмкіндіктерін көрсету маңыздылығы ерекше аталып өтті.

Воркшоп жастар арасында академиялық адалдықты ілгерілету жөніндегі Кешенді жоспардың 3.4-тармағын іске асыру аясында ұйымдастырылып, қарапайым кездесу ғана емес, әр түлек үшін өміріндегі маңызды кезең алдында шынайы мотивация көзіне айналды.