Қазақ тілі пәнінен республикалық «Жарқын болашақ» олимпиадасының қалалық кезеңі өтті

28 ақпан күні 2024 жылы «Өскемен қаласы бойынша білім беру бөлімі» ММ-нің жоспарына сәйкес «№ 19 мектеп-қосымша білім беру орталығы» КММ 7-11 сынып оқушылары арасында қазақ тілі пәнінен республикалық «Жарқын болашақ» олимпиадасының қалалық кезеңі өтті. Биылғы оқу жылынан бастап «Жарқын болашақ» олимпиадасы Қазақстан Республикасы Ағарту министрлігінің № 514 бұйрығымен жалпы білім беретін пәндер бойынша халықаралық олимпиадалар мен ғылыми жобалар байқауларының тізіміне енгізілді.
Өскемен қаласының 23 білім беру ұйымдарынан 86 оқушы қатысып, оның 34-ті қалалық кезеңнің жүлдегері атанды.
«Әнші-бұлбұлдар» бағыты бойынша жүлделі орынға ие болғандар: «№46 орта мектебі» КММ-нен Сағи Алихан, «№ 11 мектеп-лицейі» КММ-нен Яковенко Таисия.
«Сөз шеберлері» бағыты бойынша жүлделі орынды жеңіп алғандар: «№46 орта мектебі» КММ-нен Русланқызы Азель, «№ 26 орта мектебі» КММ-нен Сатывалдиева Солиха.
«Бейнелеушілер» бағыты бойынша «№46 орта мектебі» КММ-нен Құдайберген Гаухар, «№14 негізгі орта мектебі» КММ-нен Злобина Светлана.
«Білгірлер бәйгесі» бағыты бойынша жүлделі орынға ие болғандар: «Ш. Уалиханов атындағы №3 мектеп-лицейі» КММ-нен Зульфиева Севинич.
«Жас қаламгер» бағыты бойынша «Абай атындағы № 33 орта мектебі» КММ-нен Көкен Жұлдыз.
Барлық педагогтар мен жеңімпаздарды құттықтай отырып, қала командасы олимпиаданың облыстық кезеңінде де жеңіс тұғырынан көрінулеріне сәттілік тілейміз!