«Өз ойыныңмен бөліс» немесе «Әрқашан өзіңмен бірге болатын ойын» атты идеялар калейдоскопы

Мақсаты: балаларды бос уақытында шығармашылыққа баули отыра, балалар мен ата-аналар қарым-қатынасын барынша жақсарту, ата-аналар мен олардың балалары арасындағы қарым-қатынаста жағымды эмоционалды байланыс орнату.

«Мектепке дейінгі балалар» педагог-психологтарының шығармашылық тобы құрамында сараптамалық комиссия ұсынған ойындардың әзірлемелерін қарау және талқылау бойынша белсенді жұмыс жүргізілді. Байқау аясында жүлделі орындар мен номинациялар қарастырылған: «Ең кішкентай ойын», «Көрермен көзайымы», «Ең қызықты ойын», «Ең керемет ойын», «Барлық жасқа сай ең жақсы ойын» және т. б. 100-ден астам ата-аналар қатысып, әртүрлі, қызықты және ерекше ойындарды ұсынды.

Мектепке дейінгі ұйымдар арасында ең белсенді қатысушылар «№ 4 «Сәулетай» балабақша-бөбекжайы» КМҚК және «№ 62 арнайы балабақшасы» КММ-ден болды.