«Мәңгілік ел – болашаққа ұмтылған ел» конкурсы өтті

Өскемен қаласының білім беру бөлімінің жоспарына сәйкес «№48 мектеп-қосымша білім беру орталығында»  КММ  мектеп командаларының арасындағы қалалық «Мәңгілік ел – болашаққа ұмтылған ел» конкурсы өтті.

Конкурстың негізгі міндеттері:

-   адамгершілік-патриоттық сезімге, Отанға деген сүйіспеншілік пен құрметке тәрбиелеу, қазақстандық патриотизмді қалыптастыру;

- оқушылардың шығармашылық әлеуетін және қоғамдық белсенділігін дамыту;

- оқушылардың туған жерге, оның мәдениетіне ұтымды және эмоционалды қатынасын біріктіру;

- шығармашылық дарынды балаларды анықтау және қолдау.

Конкурс 2 кезеңнен тұрды:

1 кезең - команда капитандары үшін эссе, қалған команда мүшелері үшін тестілеу;

2 кезең - Театрландырылған сахналық қойылым болды.

Аталмыш байқауға 27 команда қатысып, 2 кезеңге 24 команда өтті.

Бұл байқауға әр мектептен 8-10 сыныптардан тарих және қазақ тілінен үздік деген 10 оқушы қатысты.

«Наурыз» мейрамына арналған сахналық қойылымда №12, 16, 46, 48, 49 мектептерінің талантты да дарынды оқушылары жоғары деңгейде өнер көрсетіп, жүлделі орындарды иеленді. №44, 32 мектептер ІІІ орынды қанжығасына байласа, №16 және №48 мектептер ІІ орынды иеленді.

Бас жүлдені иеленген №46 орта мектеп байқаудың облыстық кезеңіне жолдама алды.

Байқау қатысушыларына қала намысын қорғауда сәттілік тілейміз!

Модератор: дарындылық бойынша әдіскер Д. Т. Айкенева