Жалпы білім беретін пәндер бойынша республикалық ғылыми жобалар байқауына қатысуы

2022 жылдың ақпан айында Шымкент қаласында өткен жалпы білім беретін пәндер бойынша республикалық ғылыми жобалар байқауына Шығыс Қазақстан облысы командасының құрамына Өскемен қаласының білім ұйымынан 6 оқушы қатысты. Олар «Экономикалық және әулеметтік процестерді математикалық модельдеу», «Салауатты табиғи орта - «Қазақстан - 2030» стратегиясын жүзеге асырудың негізі» және «Қазақстанның тарихи ескерткіштері және перспективалы туристік маршруттар» атты 3 бағыт бойынша жобаларын ұсынды.

Байқау қорытындысы бойынша Қазақстан Республикасы Білім және ғылым министрлігінің І дәрежелі дипломымен және алтын медальмен «Қ. Нұрғалиев атындағы № 43 мектеп - лицейі» КММ-нің 11 сынып оқушысы Еркежан Ақбанова («Экономика» секциясы) ие болды. ІІІ дәрежелі дипломдармен және қола медальдардың иегерлері болып «№ 34 мектеп - лицейі» КММ-нің 11 сынып оқушысы Илья Зубков («Адам және қоғам» секциясы), «№ 46 орта мектебі» КММ-нің 11 сынып оқушысы Әлия Ермекқызы («Химия» секциясы). Байқау жеңімпаздарына Шығыс Қазақстан университетінің гранттары да табыс етілді.

Жеңімпаздар мен олардың жетекшілерін, ата-аналарын лайықты жеңісімен құттықтаймыз! Алдағы жеңістер мен табыстар тілейміз!