Наурыз мейрамына арналған кітап көрмелері

21 наурызда көктемгі күн мен түннің теңесуі күні атап өтілетін Наурыз мерекесі қарсаңында мектеп кітапханаларында  «Наурыз - жарық пен қуаныш мерекесі», «Наурыз - Бейбітшілік пен жақсылық мерекесі» атты кітап көрмелері, көрмелер, экспозициялар безендірілді.

«Наурыз  - көктемнің тууы» дегенді білдіреді. Бұл шығыс халықтарының ең маңызды және ежелгі мерекесі. Ежелгі шығыс күнтізбесіне сәйкес - жаңа жыл: «Ұлыс Күні»  - «Первый день Нового Года» немесе «Ұлыстың Ұлы Күні» - «Великий день народа». Халық арасында,  ежелгі қазақтарда  «Жаңа  жылды қалай қарсы алсаң, солай шығарып саласың» - деген наным болған.   Сондықтан Наурызды қарсы алу түрлі тағамдар мен тәттілерді дайындаумен қатар жүрді, түрлі  дәстүрлер мен рәсімдер өткізілді. Сонда ғана, халық даналығына сәйкес, үйге байлық келеді. «Наурыз құтты болсын!», «Ақ мол болсын!» - бұл байлық пен молшылықты білдіретін қасиетті тілектер.

Наурыз - бұл отбасылық мереке, өйткені осы жарқын да қуанышты күні барлық  отбасы мүшелері тату, бай дастархан басында бірге болуға тырысады. Бұл туыстарымен және көршілерімен бірге болуға, сөйлесуге, соңғы жаңалықтарды білуге, қонақтарды шақыруға мүмкіндік береді. Сондықтан көптеген көрмелер «Отбасы - шабыт көзі», «Менің отбасым - менің қуанышым» деп аталады.

Көрмелерде Наурыз мейрамын мерекелеу тарихы, оның шығу тегі мен қазақтардың мәдени - рухани өміріндегі маңызы, Қазақстанның табиғаты, қазақ халқының салт - дәстүрлері, бата беру сөздері мен тілектері, қазақтың ұлттық киіз үйі, ұлттық тағамдар, ұлттық ойындар туралы ақпараттар беріліп, «Наурызнама»,  «Ұлттық қолөнер»,  «Наурыз көже», «Ұлттық салт  - дәстүрлер», «Қазақтың  киіз үйі», «Бабадан қалған бар байлық», «Қазақтың ұлттық киімдері», «Қазақ халқының тұрмысы мен мәдениеті», «Қазақ халқының әдет – ғұрпы», «Қазақтардың этикеті» туралы кітаптар ұсынылды.   Кітап көрмелерінен басқа, кітапханаларда «Менің Отаным – Қазақстан» тақырыбы бойынша оқушылардың сурет көрмелері рәсімделген.