«Арт-терапия арқылы мектеп оқушыларының шығармашылық және сыни ойлауын дамыту: заманауи тәсілдер, әдістер, тәжірибелер» атты семинар-тренинг

2025 жылдың 26 қарашасында Шығыс Қазақстан облысы Өскемен қаласы білім басқармасының «N11 мектеп-лицейі» КММ-де «Арт-терапия арқылы мектеп оқушыларының шығармашылық және сыни ойлауын дамыту: заманауи тәсілдер, әдістер, тәжірибелер» атты семинар-тренинг өтті.
Іс-шараны ұйымдастырушылар ретінде Өскемен қаласының білім бөлімі, ШҚО білім беру мекемесі, Мемлекеттік бейнелеу өнері мұражайының әдіскері А.Д.Нугумарова, сондай-ақ «Отбасы» шығармашылық тобының педагогикалық психологтары – Рябичева А.В. (No11 мектеп-лицей) және Ақылбекова С.С.(No15 орта мектеп) өткізді.
Іс-шара тиімді психологиялық-педагогикалық тәжірибені таратуға және мамандар арасында кәсіби ынтымақтастықты дамытуға бағытталған. Қатысушылар қатарында қала және Шығыс Қазақстан облысындағы мектептердің педагогикалық психологтары болды. Олар арт-терапияның заманауи әдістерімен танысып, практикалық жаттығуларға қатысып, тәжірибелерімен бөлісті.
Қатысушылар ұсынылған материалдың жоғары практикалық құндылығын атап өтті, тәжірибе алмасуға, кәсіби мәселелерді талқылауға, білім беру ортасында арт-терапияны қолдануда өз құзыреттерін кеңейтуге мүмкіндік алды.