ТҮРКІСТАН: СУ АРНАЛАРЫНЫҢ АУМАҒЫНА АҒАШ КӨШЕТТЕРІ ЕГІЛДІ

Мемлекет басшысы Қасым-Жомарт Тоқаев орман қорында 2 млрд. және елді мекендерде 15 млн. ағаш егу туралы тапсырманы 2020 жылғы Жолдауында берген болатын. Осы орайда Түркістан облысының әкімі Нұралхан Көшеровтің бастамасымен өңіріміздегі су арналары мен су қоймалары аумағына да ағаш көшеттерін отырғызу межесі қойылды.

Биылғы көктем маусымына бекітілген көшет егу межесін «Тұран су» мекемесі толық орындады. Кәсіпорын теңгеріміне қарасты гидробөлімшелер мен су қоймалары аумағына жалпы саны 599 түп ағаш егілді. Атап айтсақ, 54 түп шырша, 95 түп терек, 450 түп қара ағаш бар.

Мамандардың айтуынша, қоршаған ортаны қорғау және жасыл желек аймақтарын көбейту мақсатында жалғасып жатқан бұл жұмыстардың экологияны жақсартуға үлкен пайда әкелетіні сөзсіз. Жасыл желектерді көбейту, ауаның тазалығын сақтау және табиғатқа деген қамқорлықты арттыру маңызды қадамдар болып саналады. Сонымен қатар бұл игілікті іс халықтың экологиялық мәдениетін көтеруге, қоғамда табиғат қорғау мәселесіне деген жауапкершілікті арттыруға мүмкіндік береді.

Түркістан облысы әкімінің баспасөз қызметі