ТҮРКІСТАН: ОРДАБАСЫДА 10 МЫҢҒА ЖУЫҚ АҒАШ КӨШЕТІ ЕГІЛДІ

Елді мекендерді көріктендіру, көгалдандыру және экологиялық ахуалды жақсарту мақсатында Ордабасы ауданы, Темірлан ауылында тазалық шарасы ұйымдастырылды.

Сенбілікке аудан әкімі Азат Оралбаев бастаған бөлім қызметкерлері, қоғамдық жұмысшылар мен ауыл тұрғындары белсене атсалысты. Онда 500 қарағаш, 100 арша көшеті егілді. Одан бөлек, ауданға қарасты ауыл округтерінде 6700 түп қарағаш және 2000 түп жеміс ағашы егілді.

Ағаш отырғызу жұмыстарымен қатар тазалық жұмыстары жүргізілді. Нәтижесінде 22 тонна қоқыс шығарылып, 75 шақырым суару жүйелері тазаланды. Аталған жұмысқа жалпы саны 7000-ға жуық адам жұмылдырылып, 21 техника тартылды.

Алдағы уақытта осындай игі жұмыстар үнемі жалғасып, аймақтың экологиялық ахуалын жақсарта түсу үшін, бұдан да ауқымды кешенді жобалар жүзеге асатын болады.

Түркістан облысы әкімінің баспасөз қызметі