ТҮРКІСТАН: ҚАЗЫҒҰРТТА 2 МЫҢНАН АСА АДАМ ҚАТЫСҚАН СЕНБІЛІК ӨТТІ

Елімізде экологиялық жағдайды жақсарту, аудан, қалалар мен елді-мекендердің тазалығын сақтау және тұрғындарды табиғатқа жауапкершілікпен қарауға шақыру мақсатында мемлекет басшысы Қасым-Жомарт Тоқаевтың бастамасымен бастау алған “Таза Қазақстан” бағдарламасы аясында аудан әкімі Азизхан Исмаиловтың тапсырмасына сәйкес аудан аумағында санитарлық тазалықты қамтамасыз ету, ауыл-аймақтың тазалығына көңіл бөлу бағытын жалпы аудандық сенбілік жұмыстары таңнан бастап 13 ауыл округінде кең көлемде жүргізілді.

Өткізілген сенбілік жұмыстарында республикалық, облыстық маңызы бар автожолдың, ішкі көшелердің бойында жинақталған, ретсіз тасталған күл-қоқыстарды, арық-атыздарды тазалау, ағаштардың түбін қопсыту және ақтау жұмыстары жүргізілді. Сенбілікке 24 техника жұмылдырылып, 4,2 тонна қоқыс шығарылып, жалпы 2000 астам адам атсалысты.

Жалпы аудандық сенбіліктің мақсаты - аудан көшелеріндегі тазалықты сақтау және экологиялық мәдениетті қалыптастыру мәселелеріне қоғам назарын аудартуға бағытталған. Ауданның әр тұрғыны өзі тұратын үйдің ауласын таза ұстаса, бұл олардың өңір тазалығына қосқан үлкен үлесі болып табылады.

Түркістан облысы әкімінің баспасөз қызметі