ТҮРКІСТАН ОБЛЫСЫНДА МҰНАЙ ӨНІМДЕРІНІҢ ЗАҢСЫЗ ТАСЫМАЛЫНА ҚАРСЫ РЕЙД НӘТИЖЕСІ САРАПТАЛДЫ

Облыс әкімінің орынбасары Нұрбол Тұрашбеков облыс аумағында мұнай өнімдерінің тапшылығын болдырмау, заңсыз тасымалына шектеу салу, сонымен қатар, жанар-жағармай бекеттерінде мұнай өнімдерінің қасақана тапшылығын туындатудың алдын алу мақсатында құрылған жұмысшы топтың есебін тыңдады.

Облыстық Кәсіпкерлік және өнеркәсіп басқарма басшысының орынбасары Нұргүл Абдразақова мұнай өнімдерінің заңсыз тасымалдануына жол бермеу үшін “Алматы-Ташкент-Термез” бағытында екі күн рейдтік іс-шара өткенін баяндады. Тексеру нәтижесінде тиісті құжаттарын ұсынбау дерегімен және өзге де заңсыздықтар бойынша 9 хаттама толтырылып, айыппұл рәсімделген.

Қазіргі таңда облыс аумағында 380 жанармай құю бекеті мен 9 мұнай базасы жұмыс істейді. Түркістан облысы бойынша «АИ-92», «АИ-95» және дизель отыны еркін босатылуда. Нұрбол Тұрашбеков жұмысшы топқа аудан әкімдіктерімен, шекара қызметкерлері және кеден бекеттерімен бірлесе отырып, жұмысты алгоритмге сәйкес күшейтуді тапсырды.

Түркістан облысы әкімінің баспасөз қызметі