ТҮРКІСТАНДЫҚТАР «АРЫС-ТҮРКІСТАН» КАНАЛЫНЫҢ БОЙЫН ТАЗАЛАДЫ

Түркістандықтар республикалық «Таза Қазақстан» акциясына белсенді қатысуда. Бүгін шаһар тұрғындары экоакцияның бесінші аптасында «Арыс-Түркістан» каналында жалпы тазалық жұмыстарын атқарды.

«Мөлдір бұлақ» апталығында түркістандықтар каналды шөптерден тазартып, 25 қап қоқыс жинады.

Айта кетейік, экоакцияның өткен «Өнегелі ұрпақ» апталығында бірқатар тазалық жұмыстары атқарылып, нәтижесінде 23 аялдама сәнделсе, 4000-ға тарта ағаш түбі қопсытылып реттелді. Қала көшелері 100 тонна қоқыстан тазартылып, кейбір балалар ойын алаңшалары абаттандырылды.

Түркістан облысы әкімінің баспасөз қызметі