ТҮРКІСТАН: МӘДЕНИЕТ ҚЫЗМЕТКЕРЛЕРІ «ТАЗА ҚАЗАҚСТАН» АКЦИЯСЫНА ҮЛЕС ҚОСТЫ

Түркістанда «Таза Қазақстан» экологиялық акциясы аясында «Таза өлке» апталығы өтіп жатыр. Мемлекет басшысының бастамасымен қолға алынған республикалық шараға облыстағы мәдениет ошақтары да үлес қосып жатыр.

Тазалықты жанына серік еткен «Ұлы Дала Елі» орталығының» қызметкерлері қаланы таза ұстау мақсатында бастамаға қолдау көрсетті. Орталықтың 1200 шаршы метр аумағы мен ирригациялық жүйелер тазартылып, 50 кг қоқыс шығарылды.

Ауқымды шараға «Фараб» кітапханасының ұжымы да атсалысып, кітапхана аумағына 200 түп гүл отырғызды. Ал Түркістан музыкалық драма театры қызметкерлері айналаны қоқыстан тазартып, қолдау білдірді. Сонымен қатар аудан, қаладағы барлық мәдени ошақтары да қалмай, үн қосып жатыр.