ЖОҒАЛЫП КЕТКЕН АЩЫСАЙ АУЫЛЫНЫҢ ТҰРҒЫНЫ ТАБЫЛДЫ

2021 жылғы 16 наурыз күні сағат 14.00-де Түркістан облысы ТЖД кезекші-диспетчерлік қызметінің пультіне 1980 жылы туған ер адамның жоғалғаны туралы хабарлама түскен. Ол екі күн бұрын мал іздеуге шығып, содан қайта оралмаған.

Іздестіру-құтқару жұмыстарына Түркістан облысы ТЖД (11 қызметкер мен 1 бірлік техника, Полиция департаментінің күштері мен құралдары (1 қызметкер) және жоғалған адамның туыстары (3 адам) жұмылдырылды.

16 наурызда сағат 15.10-да  құтқарушылар ер адамды жоғалып кеткен орыннан екі шақырым жерде Көккөз ауылынан тауып алды. Ол тереңдігі 3 метр құдыққа түсіп кетіп, өздігінен шыға алмаған екен.

Құтқарушылар тез арада ер адамды құтқаруға кірісті. Олар құтқару жібінің көмегімен ер адамды құдықтан алып шықты. Ер адам медицналық көмекке мұқтаж емес.

 

 

Түркістан облысы әкімінің баспасөз қызметі