ТҮРКІСТАН: ЖАҢА ЖЫЛ ҚАРСАҢЫНДА 20 КӨПБАЛАЛЫ ОТБАСЫ БАСПАНАЛЫ БОЛДЫ
Бүгін Түркістан облысы Түлкібас ауданында 20 көпбалалы отбасы баспаналы болып, қуанышқа кенелді. «Көпбалалы отбасыларды тұрғын-үймен қамту» мемлекеттік бағдарламасы аясында тұрғын-үй кезегінде тұрған көпбалалы отбасылар жаңа жылда қоныс тойын тойлағалы отыр. Аталмыш бағдарлама бойынша аталған отбасылар жалпы құны 8 млн. 400 мың теңгені құрайтын, аумағы 60-100 шаршы метр аралығындағы дайын үймен қамтамасыз етілді.
Үй кілтін табыстау рәсіміне аудан әкімінің орынбасары М.Жанесен арнайы қатысып, отбасыларды жаңа баспаналарымен құттықтады.
Түркістан облысының Өңірлік коммуникациялар қызметі