ТӨЛЕБИ АУДАНЫНДА 45 КӨШЕГЕ ОРТАША ЖӨНДЕУ ЖҰМЫСТАРЫ ЖҮРГІЗІЛГЕН

Түркістан облысы, Төлеби ауданында жалпы ұзындығы 78,8 шақырымды құрайтын 45 көшеге орташа жөндеу жұмыстары жүргізілген. Ағымдағы жылы «Жұмыспен қамтудың жол картасы» аясында республикалық бюджет есебінен 8 көше, «Ауыл-Ел бесігі» жобасы бойынша 13 көше орташа жөндеуден өткен. Аудандық бюджет есебінен 22 көшеде жұмыстар атқарылған. Сондай-ақ, аудандық маңызы бар 2 көше орташа жөндеу бойынша ретке келтірілді.

Келесі жылы облыстық бюджет есебінен Киелітас елді мекеніндегі Байбұлақ көшесін орта жөндеуден өткізілмек. Сонымен қатар, республикалық бюджеттен «Ауыл ел-бесігі» бағдарламасына 2 елді мекендегі 17 көшені орта жөндеуден өткізуге қаржы қарастырылуда. Аудандық бюджет есебінен елді мекендердің 20-дан астам ішкі көшелері орта жөндеуден өткізілетін болады.

Түркістан облысы әкімінің баспасөз қызметі