ТҮРКІСТАН ОБЛЫСЫНДА АГРО ҚҰЗЫРЕТТЕР БОЙЫНША ОҚЫТУ ӨТТІ

Түркістан облысының кәсіпкерлік және сауда басқармасының «Turkistan» кәсіпкерлерге қызмет көрсету орталығы» коммуналдық мемлекеттік мекемесінің ұйымдастыруымен Түркістан облысындағы Мақтаарал, Түлкібас, Созақ және Ордабасы аудандарында «Агро құзыреттер» бағыты бойынша базалық және салалық бейіндік оқыту пилоттық жоба ретінде енгізіліп, жүзеге асырылды.

Бағдарлама ауыл шаруашылығы саласында жұмыс істейтін кәсіпкерлердің білімін жетілдіруге, кәсіби дайындығын күшейтуге және агро-бизнесті тиімді жүргізу дағдыларын қалыптастыруға бағытталған. Оқуға жалпы 160-қа жуық кәсіпкер қатысып, теориялық сабақтармен қатар қолданбалы практикалық жаттығулардан өтті. Практикалық бөлім барысында қатысушылар мал шаруашылығы, өсімдік шаруашылығы, агротехнология, шығындарды басқару және өнімділікті арттыру бойынша нақты құралдарды меңгерді.

Пилоттық оқыту ауыл шаруышылығы саласының кәсіпкерлеріне өз бизнесін дамытуға, жаңа технологияларды қолдануға және саланың бәсекеге қабілеттілігін арттыруға нақты серпін берді. Қатысушылардың белсенділігі мен қызығушылығы осындай оқу бағдарламаларын кеңейту қажеттігін көрсетті. Кәсіпкерлер бағдарламаның тиімділігіне оң бағасын берді.

Түркістан облысы әкімінің баспасөз қызметі