Түркістан облысы қоғамдық даму басқармасы «Жастар ресурстық орталығы» КММ-нің жанынан құрылған «Түркістан жастары» жас сайлаушылар клубы туралы

  1. Жалпы ережелер

 

  1. Түркістан облысы қоғамдық даму басқармасы «Жастар ресурстық орталығы» КММ-нің жанынан құрылған «Түркістан жастары» жас сайлаушылар клубы туралы (бұдан әрі – Клуб) «Жастар ресурстық орталығы» КММ-нің (бұдан әрі -Жастар орталығы) жанындағы консультативтік-кеңесші органы болып табылады.

Осы Ереже клуб қызметін жүзеге асыру тәртібін анықтайды.

  1. Клуб өз қызметін жүзеге асыру кезінде «Жастар ресурстық орталығы» КММ-мен, Түркістан облыстық сайлау комиссиясымен, сондай-ақ өзге де органдар мен ұйымдармен, азаматтармен өзара іс-қимыл жасайды.
  2. Клубтың Ережесі Түркістан облысы қоғамдық даму басқармасы «Жастар ресурстық орталығы» КММ-нің бекітіледі бекітіледі.

 

  1. «Түркістан жастары» жас сайлаушылар клубының мақсаты мен міндеттері

 

4 «Түркістан жастары» жас сайлаушылар клубын құрудың мақсаты Түркістан облысындағы  жастардың назарын сайлау процесінің өзекті мәселелеріне аудару, олардың сайлау белсенділігі мен құқықтық мәдениетін арттыру болып табылады.

  1. Клубтың негізгі міндеттері:

1) жас сайлаушылардың сайлау мәдениетін арттырудың тиімді жолдарын айқындау;

2) жастар арасында сайлау құқықтарын түсіндіру бойынша қазіргі заманғы тәсілдерді әзірлеу;

3) жастардың сайлау процесіне қатысуының өзекті мәселелерін қарау;

4) жас сайлаушылардың сайлау процесіне қызығушылығын арттыру.

 

 

 

 

  1. «Түркістан жастары» жас сайлаушылар клубының құрамы мен мүшелерінің құқықтары:

 

  1. Клубтың қатысушылары жас сарапшылар мен ғалымдар, өңірлік жастар ресурстық орталықтарының, коммерциялық емес қоғамдық бірлестіктердің, сондай-ақ Түркістан облыстық АСК-сы, мемлекеттік органдардың өкілдері (келісім бойынша) бола алады.
  2. Клуб мүшелері Клуб отырыстарының күн тәртібіне енгізілген мәселелерді талқылау кезінде тең құқықтарға ие.
  3. Клуб қатысушылары құқылы:

1) Түркістан облыстық АСК төрағасы мен мүшелеріне ұсыныстар жасауға;

2) Клуб қатысушыларының өзге пікірлерімен келіспеген жағдайда өз пікірін баяндауға құқылы, ол Клуб отырысының хаттамасына қоса тіркелуге тиіс.

 

  1. «Түркістан жастары» жас сайлаушылар клубының қызметін ұйымдастыру

 

  1. Клубтың қызметі әртүрлі форматтағы отырыстар түрінде жүзеге асырылады.
  2. Клубтың отырыстарын Түркістан облысы қоғамдық даму басқармасы «Жастар ресурстық орталығы» КММ-нің басшысы қажеттілікке қарай, бірақ жылына кемінде екі рет шақырады және өткізеді.
  3. Клубтың қызметін, іс қағаздарын жүргізуді және отырыстардың дайындалуын ұйымдастыруды қамтамасыз ететін жұмыс органы «Жастар ресурстық орталығы» КММ-нің бөлім қызметкерлері болып табылады.
  4. Жұмыс органы:

1) отырыстарды дайындау және өткізу жөніндегі ұйымдастыру жұмысын жүзеге асырады;

2) Клуб қатысушыларын кезекті отырыстың өтетін күні мен күн тәртібі туралы оны өткізгенге дейін бес жұмыс күнінен кешіктірмей хабардар етеді;

3) Клуб отырысы барысында хаттама, оның ішінде аудио-бейнежазба құралдарын пайдалана отырып жүргізеді.

 

  1. Қорытынды ережелер

 

  1. Осы Ережеге өзгерістер мен толықтырулар Түркістан облысы қоғамдық даму басқармасы «Жастар ресурстық орталығы» КММ-нің қаулысымен енгізіледі.

15. Клуб қызметі Түркістан облысы қоғамдық даму басқармасы «Жастар ресурстық орталығы» КММ-нің жиналысының шешімімен тоқтатылады

Дата публикации
29 января 2026