Мен уақытша жұмыссызбын. Бірақ БЖЗҚ-ға міндетті зейнетақы жарналары аударымдарын жасап отырғым келеді. Ол үшін не істеуім керек?
Мемлекеттік базалық зейнетақы төлемін беру кезінде зейнетақы жүйесіне қатысу өтілі ретінде міндетті зейнетақы жарналары (МЗЖ) жүзеге асырылған кезең де есептеледі.
Сонымен қатар, жеке кәсіпкерлерді (ЖК), жеке тәжірибемен (ЖТ) айналысатын адамдарды, шаруашылық серіктестігінің құрылтайшыларын (қатысушыларын) және құрылтайшыларды, акционерлік қоғам акционерлерін (қатысушыларын) қоспағанда, тауарларды, жұмыстар мен көрсетілетін қызметтерді өндіру (өткізу) жөніндегі қызметті мемлекеттік тіркеусіз табыс алу мақсатында дербес жүзеге асыратын жеке тұлғалар, өндірістік кооператив мүшелері өзін-өзі жұмыспен қамтығандарға немесе тәуелсіз қызметкерлерге жатады. Басқаша айтқанда, бұл жұмыс берушілермен ресми түрде жасалған еңбек шартынсыз өмір сүретіндер. Өзін-өзі жұмыспен қамтыған азаматтар МЗЖ-ны бірыңғай жиынтық төлем (БЖТ)1 құрамында өз пайдасына аудара алады.
Кәсіпкерлік қызметті жеке кәсіпкер ретінде тіркеусіз жүзеге асыратын, бір мезгілде мынадай шарттарға сәйкес келетін жеке тұлғалар БЖТ төлеушілер деп танылады:
1) бірыңғай жиынтық төлемді төлейді;
2) жалдамалы жұмыскерлердің еңбегін пайдаланбайды;
3) тек қана салық агенттері болып табылмайтын жеке тұлғаларға қызметтер көрсетеді, сондай-ақ, Қазақстан Республикасының заңнамасында белгіленген талаптарға сәйкес келеді. Акцизделетін өнімді қоспағанда, жеке қосалқы шаруашылықтың өз өндірісіндегі ауыл шаруашылығы өнімін тек қана салық агенттері болып табылмайтын жеке тұлғаларға ғана өткізеді.
_________________
[1] ҚР 26.12.2018ж. № 203-VI Заңына сәйкес 01.01.2024ж. дейін қолданыста болады
Бұл ретте Салық кодексінің2 774-бабы 1-тармағының 3) тармақшасында көрсетілген қызмет түрлерін жүзеге асыру нәтижесінде алынатын БЖТ төлеушінің табыс мөлшері күнтізбелік жыл ішінде республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің (АЕК) 1175 еселенген мөлшерінен аспауға тиіс.
Жеке тұлғалар осындай төлем төлеген күннен бастап БЖТ төленген айдың соңғы күніне дейін БЖТ төлеушілер деп танылады.
БЖТ-ға Қазақстан Республикасының "Міндетті әлеуметтік сақтандыру туралы" Заңына сәйкес төленетін жеке табыс салығы мен МЗЖ сомалары, әлеуметтік аударымдар, Қазақстан Республикасының "Міндетті әлеуметтік медициналық сақтандыру туралы" Заңына сәйкес төленетін міндетті әлеуметтік медициналық сақтандыруға аударымдар мен жарналар енгізіледі.
БЖТ мөлшері:
БЖТ төлеген кезде міндетті зейнетақы жарналары ретінде есептелетін мұндай жарналар мемлекеттік базалық зейнетақы төлемі тағайындалатын кезде зейнетақы жүйесіне қатысу өтіліне есептеледі.
БЖТ-ны төлеушінің тұрғылықты жері бойынша қолма-қол ақшамен не қолма-қол ақшасыз тәсілмен "Азаматтарға арналған үкімет" мемлекеттік корпорациясының банк шотына банктер және банк операцияларының осындай түрлерін жүзеге асыратын ұйымдар арқылы төлеу қажет. Бұл ретте БЖТ күнтізбелік жылдың ағымдағы және кейінгі айлары үшін төленуі мүмкін.