Түркістан облысы әкімі аппаратының заң бөлімі туралы ЕРЕЖЕ

 

Түркістан облысы әкімі аппараты

басшысының 2019 жылғы

« 14 » қазандағы № 37-н/қ

бұйрығымен бекітілген

14-қосымша

 

 

Түркістан облысы әкімі аппаратының заң бөлімі туралы

ЕРЕЖЕ

  1. Жалпы ережелер

 

  1. Заң бөлімі (бұдан әрі – бөлім) Түркістан облысы әкімі аппаратының(бұдан әрі -құрылымдық бөлімшесі) құрылымдық бөлімшесі болып табылады.

2.Құрылымдық бөлімше өз қызметінде Қазақстан Республикасының Конституциясын, Қазақстан Республикасының заңдарын, Президенті мен Үкіметінің актілерін, Қазақстан Республикасы Үкіметінің 2006 жылғы                          9 қарашадағы N1072«Қазақстан Республикасы мемлекеттiк органдарының заң қызметтерi туралы үлгi ереженi бекiту туралы» қаулысын, өзге де нормативтік құқықтық актілерді, сондай-ақ, осы Ережені басшылыққа алады.

  1. Құрылымдық бөлімшенің құрылымын, штат санын облыс әкімінің аппараты басшысы бекітеді.

 

  1. Мемлекеттік органның құрылымдық бөлімшесінің

негізгі міндеттері, функциялары мен құқықтары

 

  1. Міндеті: мемлекеттік органның қызметінде заңдылықтың сақталуын қамтамасыз ету.

Функциялары:

         1) қажеттілігіне қарай нормативтік құқықтық актілердің жобаларын әзірлеу және мемлекеттік органның бірінші басшысының тапсырмасы бойынша құқықтық сипаттағы өзге құжаттарды дайындау;

         2) облыс әкімдігінің және әкімінің актілерінің жобаларына құқықтық сараптама жүргізу;

3)  шарттардың, іс жүргізу құжаттарының, сондай-ақ өзге де құқықтық сипаттағы құжаттардың жобаларына  құқықтық сараптама жүргізу.

  1. Міндеті:облыс әкімдігінің және әкімінің қабылдаған нормативтік құқықтық актілерінеқатысты құқықтық мониторинг жүргізу.

Функциялары:

1) Қазақстан Республикасының нормативтiк құқықтық актілерiне тұрақтымониторинг жүргiзу;

2) облыс әкімдігінің нормативтік құқықтық қаулылары, әкімнің нормативтік құқықтық шешімдері бойынша нормативтік құқықтық актілерінің тіркелімдерін  жүргізу.

  1. Міндеті: аудан және қала әкімдіктерімен, облыстық бюджеттен қаржыландырылатын мемлекеттік оpгандармен заңнаманы қолдану практикасын қорыту.

Функциясы: аудан және қала әкімдіктерінің, облыстық бюджеттен қаржыландырылатын мемлекеттік оpгандардың қабылдаған актілерге зерделеу жұмыстарын жүргізу, олар бойынша ұсыныстар енгізу.

  1. Міндеті:сотта, сондай-ақ басқа да ұйымдарда мемлекеттiк орган қызметiнiң құқықтық мәселелерiн қарау кезiнде белгiленген тәртiппен мемлекеттiк органның мүдделерiн бiлдiру.

Функциялары:

1) сотта, мемлекеттік органның мүдесін асыру үшін талапкер және жауапкер болып қатысу;

2) заңнамада көзделген негіздер болған жағдайда мемлекеттік органның пайдасына қабылданбаған сот актісіне шағымдану жөніндегі шараларды уақытылы қабылдау;

3) тиісті сот талқылауына әкеп соқтырған негізгі себептер мен жағдайларды анықтау мақсатында,аудан және қала әкімдіктері, облыстық бюджеттен қаржыландырылатын мемлекеттік органдардың қатысуымен даулар бойынша талап арыз жұмысының, сот тәжірибесінің жай-күйін талдау;

4) заңды күшіне енген сот актілерін орындау жөніндегі шараларды қабылдауды қамтамасыз ету.

  1. Құқығы және міндеттері:

1)осы Ережеде көзделген өз міндеттерін орындау үшін қажетті құжаттар мен мәліметтерді мемлекеттік органның құрылымдық бөлімшелерінен сұратуға;

2) облыс әкімі аппараты басшысының келісімімен Қазақстан Республикасы нормативтік құқықтық кесімдерінің жобаларын және құқықтық мәселелер жөніндегі өзге де құжаттарды әзірлеу үшін, сондай-ақ Қазақстан Республикасының заңнамасын насихаттау үшін басқа құрылымдық бөлімшелердің қызметкерлерін тартуға;

3) мемлекеттік орган және облыстық бюджеттен қаржыландырылатын атқарушы органдар, соның ішінде оларды мемлекеттік органның басқа да құрылымдық бөлімшелері әзірлеген жағдайда келісу жолымен әзірлейтін Қазақстан Республикасы құқықтық кесімдердің және заңдық сипаттағы басқа да құжаттардың жобаларын әзірлеуге қатысуға;

4) сотта, сондай-ақ басқа да ұйымдарда мемлекеттік орган қызметінің құқықтық мәселелерін қарау кезінде, берілген сенім хат шеңберінде оның мүдделерін білдіруге.

 

  1. Бөлім қызметін ұйымдастыру

 

9.Бөлім Қазақстан Республикасының заңнамалық актілеріне, Президентінің актілеріне, Қазақстан Республикасының өзге де нормативтік құқықтық актілеріне сәйкес өзінің негізгі міндеттері мен функцияларын іске асыру үшін қажетті өкілеттіктерді иеленеді.

  1. Бөлімді Қазақстан Республикасының заңнамасында белгіленген тәртіппен қызметке тағайындалатын және қызметтен босатылатын басшы басқарады.
  2. Бөлімнің қызметіне жалпы басшылықты жүзеге асырады және мемлекеттік органның құрылымдық бөлімшесіне жүктелген міндеттердің орындалуы мен оның өз функцияларын жүзеге асыруы үшін дербес жауапты болады.
  3. Бөлім басшысы мемлекеттік органның басшысына құрылымдық бөлімнің құрылымы мен штаттық кестесі бойынша ұсыныстар береді.
  4. Бөлім басшы осы мақсатта Қазақстан Республикасының заңдарына және Президентінің актілеріне сәйкес өзге де өкілеттіктерді жүзеге асырады.
  5. Бөлімнің құзыретіне кіретін мәселелер бойынша бөлімнің атынан басқа құрылымдық бөлімшелерге жіберілетін құжаттарға бөлімнің басшысы, ал ол болмаған жағдайда оны алмастыратын бас инспектор қол қояды.

 

Түркістан облысы әкімі аппаратының заң бөлімі туралы ЕРЕЖЕ
Дата публикации
03 июня 2020