Түркістан облыстық мәслихатының 2019 жылғы 9 желтоқсандағы №44/477-VI «Түркістан облысы бойынша әлеуметтік маңызы бар қатынастардың тізбесін айқындау туралы» шешіміне толықтыру енгізу туралы

ЖОБА

 

Түркістан облыстық мәслихатының 2019 жылғы 9 желтоқсандағы               №44/477-VI «Түркістан облысы бойынша әлеуметтік маңызы бар қатынастардың тізбесін айқындау туралы» шешіміне толықтыру                   енгізу туралы

 

 

"Автомобиль көлігі туралы" Қазақстан Республикасының 2003 жылғы                  4 шілдедегі № 476 Заңының 14-бабының 1-тармағының 5) тармақшасына сәйкес Түркістан облыстық мәслихаты ШЕШІМ ҚАБЫЛДАДЫҚ:

1. Түркістан облыстық мәслихатының 2020 жылғы 11 желтоқсандағы №54/565-VI «Түркістан облысы бойынша әлеуметтік маңызы бар қатынастардың тізбесін айқындау туралы» (нормативтік құқықтық актілерді мемлекеттік тіркеу тізілімінде №5981 тіркелген, 2020 жылғы 30 желтоқсанда Қазақстан Республикасының нормативтік құқықтық актілерінің эталондық бақылау банкінде электрондық түрде жарияланған) шешіміне мынадай толықтыру енгізілсін:

 көрсетілген шешіммен айқындалған Түркістан облысының әлеуметтік маңызы бар қатынастар тізіміндегі Түркістан қаласы блойынша бөлігі мынадай редакциядағы жолдармен толықтырылсын:

«№20 бағытындағы «Түркістан халықаралық әуежайы – Әкімшілік іскерлік орталығы – Қожа Ахмет Яссауи кесенесі – Отырар мөлтек ауданы – Түркістан халықаралық әуежайы» (Түркістан халықаралық әуежайы – Әкімшілік іскерлік орталығы – Бекзат Саттарханов даңғылы – Ипотека үйлері – Халық Банк – Rixos қонақ үйі – Халықаралық қазақ түрік университеті –  Дастархан  – Қаракөз мазараты – Керуен сарай – Әмір Темір – Қазыбек би көшесі – Шекті Тілеу жолдаяқ көшесі – Жібек жолы даңғылы – МҚТУ тас жолы – Отырар мөлтек ауданы – Әкімшілік іскерлік орталығы – Түркістан халықаралық әуежайы).».   

2. «Түркістан облыстық мәслихат аппараты» мемлекеттік мекемесі Қазақстан Республикасының заңнамалық актілерінде белгіленген тәртіпте:

1) осы шешімді «Қазақстан Республикасының Әділет Министрлігі Түркістан облысының Әділет департаменті» Республикалық мемлекеттік мекемесінде мемлекеттік тіркелуін;

2) осы шешімді ресми жарияланғаннан кейін Түркістан облыстық мәслихатының интернет-ресурсында орналастыруды қамтамасыз етсін.

3. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

Облыстық мәслихат

сессиясының төрағасы                                                            А. Орман                                                   

 

Облыстық мәслихат

хатшысы                                                                               Қ. Балабиев

Дата публикации

07 апреля 2021