Отчет по внутреннему контролю качества оказания государственных услуг за 1-квартал 2026 года

Қазақстан Республикасының мемлекеттік көрсетілетін тiзiлiмге сәйкес жергiлiктi атқарушы органдармен  (бұдан әрі – ЖАО) мемлекеттiк қызметтiң 183 түрi және олардың ішінде 147 кіші түрлері, сондай-ақ қоғамдық маңызы бар 6 қызмет түрі көрсетiледі.

2026 жылдың 1-тоқсанының қорытындысы бойынша жалпы көрсетiлген мемлекеттiк қызметтердiң  саны – 6 713 269 болса, оның ішінде көрсетілетін қызметті берушілермен кеңсе арқылы (Мемлекеттік корпорация және (немесе) әріптестік ұйымдар арқылы көрсетілгендерді қоспағанда) қағаз түрінде көрсетілген мемлекеттік қызметтердің саны – 302, Мемлекеттік көрсетілетін қызметтерді "электрондық үкімет" веб-порталы және (немесе) Мемлекеттік корпорация және (немесе) әріптестік ұйымдар арқылы көрсету мүмкіндігі болса да, қызметті берушілермен баламалы негізде кеңсе арқылы қағаз түрінде көрсетілгендер саны – 26013, көрсетілетін қызметті алушымен тікелей байланыссыз көрсетілетін қызметті берушінің ақпараттық жүйелері арқылы электрондық түрде ("электроннық үкімет" веб-порталын www.egov.kz, www.elicense.kz қоспағанда) көрсетілген мемлекеттік қызметтердің саны – 6 568 793, көрсетілетін қызметті алушымен тікелей байланыс және өтінімді ақпараттық жүйеге қолмен енгізу арқылы көрсетілетін қызметті берушінің ақпараттық жүйелері арқылы ("электроннық үкімет" веб-порталын www.egov.kz, www.elicense.kz қоспағанда) көрсетілген мемлекеттік қызметтердің саны – 118 161.

Қазақстан Республикасының 2013 жылғы 15 сәуірдегі «Мемлекеттік көрсетілетін қызметтер туралы» Заңының  11 бабының 12) тармақшасына, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 8 желтоқсанында  №78 бұйрығымен бекітілген Мемлекеттік қызметтер көрсету сапасын мемлекеттік бақылау қағидаларының 37, 38 және 41 тармақтарына сәйкес, 2025 жылға Түркістан облысы бойынша аудан, қала әкімдерінің өкіміне сәйкес ішкі мемлекеттік бақылау жүргізудің іс-шаралар жоспары бекітілген.

Бекітілген іс-шараларға сәйкес, облыс көлемінде а.ж. 1-тоқсанында
44 объектіге (39 - ЖАО мекемесі, 5 - ведомстволық бағыныстағы ұйымдар,) ішкі бақылау жұмыстары жүргізіліп, 165 бұзушылық анықталды.

Атап айтсақ, оның ішінде:

• Мемлекеттік қызметтерді көрсету мерзімінің бұзылу фактілері – 1;
• Мемлекеттік қызметтерді көрсетуден бас тарту мерзімінің бұзылу фактілері – 2;
• Заңға тәуелді нормативтік құқықтық актілерде көзделген құжаттардың толық топтамасы болмаған, сондай-ақ онда көрсетілген құжаттар немесе мәліметтер тізбесі заңға тәуелді нормативтік құқықтық актілердің талаптарына сәйкес келмеген жағдайда мемлекеттік қызметтер көрсету – 0;
• Заңға тәуелді нормативтік құқықтық актілерде белгіленген тізбеде көзделмеген құжаттарды талап ету – 0;
• Ақпараттық жүйелерден алу мүмкіндігі бар құжаттарды талап ету фактілері – 0;
• Құжаттар тізбесі мен мазмұны бірдей өтініштер бойынша бірнеше рет бас тарту – 0;
• мемлекеттік қызмет көрсету тәртібін (бизнес-процесін) бұзу фактілері – 36;
• мемлекеттік қызмет көрсетуден дәлелсіз бас тарту фактілері – 0;
• Заңға тәуелді нормативтік құқықтық актілерде көзделген жұмыс кестесін сақтамау– 20;
• Қазақстан Республикасының заңдарымен тегін ұсынылуға кепілдік берілген мемлекеттік қызметтерді ақылы негізде көрсету – 0;
• Мемлекеттік көрсетілетін қызметтердің орындалу сатысы туралы сұрау салуларға жауаптарды ұсынбау, сондай-ақ, қызмет көрсетушілермен қызмет көрсету тәртібі туралы толық емес немесе дәйексіз ақпарат ұсыну – 1;
• Көрсетілетін қызмет берушілер орналасқан жерлерде және Мемлекеттік корпорациясы филиалдарының халыққа қызмет көрсету бөлімдерінде мемлекеттік қызметтер көрсету үшін қажетті құжаттар тізбесі мен оларды толтыру нысандарының үлгілері болмауы – 6;
• Мемлекеттік қызметтер көрсету кезеңдері туралы мемлекеттік қызметтер көрсету мониторингінің ақпараттық жүйелерінде деректердің болмауы – 0;
• Мемлекеттік қызмет көрсету сапасына шағымдарды қарау мерзімдерін бұзу – 0;
• Қызмет алушылардың шағымдарын толық қанағаттандырмау – 0;
• Мемлекеттік қызметтер көрсету сапасына ішкі бақылау жөніндегі жұмыс туралы есепті нысанда көрсетілген мәліметтерді растайтын тиісті материалдармен (бұйрықтардың, хаттамалардың, шешімдердің, хаттардың, анықтамалардың, қызметтік жазбалардың, фотоматериалдардың көшірмелері есептің және талдамалық анықтаманың болмауы – 0;
• Мемлекеттік көрсетілетін қызметтер саласындағы заңнаманың өзге де талаптарының бұзылу фактілері – 99.

         Бақылау іс-шаралардың қорытындысы бойынша 5 тәртіптік жаза қолданылды (3-«ескерту», 2-«сөгіс» түрінде).

         Бақылау іс-шараларының қорытындысы бойынша әзірленген ұсыныстардың саны, барлығы – 125, олардың ішінде: орындалғаны – 121, орындалмағаны – 4.

Мемлекеттік қызметті көрсетуден бас тартулардың саны – 2510, оның ішінде 2498 – электронды, 12 – қағаз түрінде бас тартылған.

Жергілікті атқарушы органдар тарапынан а.ж. 1-тоқсанының қорытындысы бойынша электронды жүйе арқылы қызмет көрсету мерзімінің бұзылуы дерегі орын алмаған.

Мемлекеттік қызметті алу кезінде құқықтары бұзылған тұлғалар анықталмады.

Мемлекеттік қызметтерді көрсету сапасын арттыру бойынша жүргізілген түсіндірме іс-шараларының саны – 88.

Мемлекеттік көрсетілетін қызметтер бойынша біліктілікті арттыру курстарынан өткен адамдардың саны – 10.