Адам құқықтары жөніндегі уәкіл Артур Ластаев әйелдер мен балалардың құқықтарын қорғау туралы заңға түсініктеме берді. Бұл заң зорлық-зомбылыққа қарсы бағытталған.

«Әйелдердің құқықтары мен балалардың қауіпсіздігі туралы» заң ер азаматтарға қарсы емес. Бұл туралы Адам құқықтары жөніндегі уәкіл Артур Ластаев мәлімдеді.

«Кез келген адам қиянат жасай алады, тіпті ер адам да құрбан бола алады. Сондықтан мен үнемі айтамын: бұл заң бірінші кезекте отбасы институтын қорғауға бағытталған. Тек азаптаудан ғана емес, зорлық-зомбылықтан да азат қоғам болуымыз керек», - деп атап өтті Уәкіл.

Артур Ластаев, сондай-ақ зорлық-зомбылыққа төзбеушілік мемлекеттік деңгейде жарияланса, уақыт өте келе, көп ұзамай біз прогрессивті қоғамға айналамыз деп қосты.