Адам құқықтары жөніндегі уәкіл Артур ЛАСТАЕВ БҰҰ азаптауға қарсы комитетінің мүшелерімен кездесті

         2023 жылғы 17 сәуір мен 12 мамыр аралығында БҰҰ азаптауға қарсы комитеті 76-шы сессияны өткізілуде, онда Қазақстанның БҰҰ азаптауға қарсы конвенциясының және басқа да қатыгез, адамгершілікке жатпайтын немесе ар-намысты қорлайтын емдеу мен жазалау түрлерінің шарттарын іске асыруға қатысты төртінші мерзімді баяндамасы қаралуда.

         Алдағы баяндаманы қорғау шеңберінде БҰҰ рәсімдеріне сәйкес адам құқықтары жөніндегі уәкіл Артур Ластаев ҰАТ қатысушыларымен бірлесіп Женевада (Швейцария) БҰҰ азаптауға қарсы комитетінің мүшелерімен кездесті.

         Кездесу барысында уәкіл Омбудсман мен ҰАТ қатысушыларының азаптауларды анықтау, оларға қарсы іс-қимыл және алдын алу саласындағы қызметі туралы, сондай-ақ қабылданған заңнамалық түзетулер туралы, оның ішінде «азаптау» ұғымын «қатыгез және адамгершілікке жатпайтын қарым-қатынастан» ажырату, сотталғандарға арналған электрондық сервистерді енгізу, түрмелерде үздіксіз бейнебақылау жүйелерін және түрмеге арналған төсбелгілерді белгілеу туралы, түрмеде медициналық қызмет көрсетуді Ішкі істер министрлігінен Денсаулық сақтау министрлігінің қарамағына беру және т. б. ақпарат берілді.

         Комитет мүшелері Омбудсман кеңсесі мен ҰАТ қатысушылары жұмысының үйлесімділігін, БҰҰ азаптауға қарсы комитетімен өзара іс-қимылды атап өтіп, Қазақстанда жүргізілген реформаларды оң бағалап, сондай-ақ азаматтық қоғамның ҰАТ туралы жеке заң қабылдау туралы ұсынысын қолдады.