БП қаңтар оқиғалары кезінде ұсталғандарға азаптауды қолданған полиция қызметкерлеріне қатысты қылмыстық істерді тергеуді жалғастыруда
Арнайы прокурорлар Алматы облысының полициясында үтік жағумен азаптауды қолдану туралы іс бойынша тергеуді аяқтады.
Талдықорғанда жаппай тәртіпсіздік жасағаны үшін ұсталған 23 азаматқа 7-17 қаңтар аралығында полиция қызметкерлерінің азаптаулар қолданғаны дәлелденді.
5 полиция қызметкері күдікті деп танылды (криминалдық полиция басқармасының 3 қызметкері, әкімшілік полиция басқармасының 1 инспекторы және СОБР-нің 1 қызметкері).
Қылмыстық іс сотқа жолданды. Азаптауды қолданудың басқа фактілерін тергеу аяқталуға жақын, деп атап өтті Бас прокуратура.