ҚАЗАҚСТАН ОМБУДСМЕНІ: КОНСТИТУЦИЯҒА ТҮЗЕТУЛЕР ЕНГІЗУ АРҚЫЛЫ ҚҰҚЫҚТЫҚ ҚОРҒАУ ИНСТИТУТТАРЫНЫҢ ӘЛЕУЕТІ КҮШЕЙТІЛДІ
Нұр-Сұлтан, 2022 жылғы 1 шілде — ҚР Президенті жанындағы Орталық коммуникациялар қызметінің алаңында Қазақстан Республикасындағы Адам құқықтары жөніндегі уәкіл Эльвира Әзімова «Жаңартылған Конституцияның құқық қорғау әлеуеті» атты дөңгелек үстелге қатысты.
Дөңгелек үстелге қатысушылар Қазақстан Республикасының Әділет вице-министрі Алма Мұқанова, Конституциялық Кеңес Аппаратының басшысы Бақыт Нұрмұханов, Бас прокуратураның норма шығару қызметін үйлестіру департаментінің бастығы Алмаз Мұхамеджанов, Қазақстанның Азаматтық альянсының президенті Бану Нұрғазиева, Республикалық адвокаттар алқасының төрағасы Айдын Бикебаев, Еуропалық құқық және адам құқықтары сараптамалық институтының директоры Марат Бәшімов, Жоғары Сот Кеңесінің мүшесі Айгүл Қалимұқашева, Жас заңгерлер палатасының төрағасы Сағидолла Баймұрат, «ҚР заңнама және құқықтық ақпарат институты» ШЖҚ РМК қызметкері Нұрхада Примашев.
ОКҚ сараптамалық клубының отырысында сөз сөйлеген Э.Әзімова Конституцияға азаматтық құқықтарды, құқықтық қорғау институттарының әлеуетін күшейту бойынша бірқатар өзгерістер енгізілгенін атап өтті. «Адам құқықтары жөніндегі уәкіл туралы» Конституциялық заң жобасы әзірленді.
Омбудсменнің айтуынша, «Адам құқықтары жөніндегі уәкіл туралы» бірінші заң өткен жылдың 26 желтоқсанында қабылданған.
«Қазір құжат Жоғары Конституциялық деңгейге шықты. Адам құқықтары жөніндегі уәкіл мемлекеттік органдар мен басқа да лауазымды адамдарға тәуелсіз. Енді ол адамдардың өтініштерін қарап қана қоймай, егер бұл мәлімдемелер заңның негізгі нормаларына, Заңның практикада тиімсіз қолданылуына, бұзушылықтарға байланысты болса, сотқа жүгінеді. Конституцияға сәйкес, адам құқықтары жөніндегі уәкіл Конституциялық сотқа жүгіну арқылы адамдардың құқықтарын қорғауға құқылы. Бұл тәжірибе халықаралық деңгейде оң нәтиже көрсетті. Қазіргі уақытта көптеген мемлекеттер адам құқықтары жөніндегі уәкіл мәртебесін көтеруге және адам құқықтарын тек мемлекеттік органдарда ғана емес, сот тәртібінде де қорғауға мүмкіндігі бар», — деді Эльвира Әзімова ОКҚ алаңында сөйлеген сөзінде.
ОКҚ сараптамалық клубының отырысы: https://www.youtube.com/watch?v=et4PFKAPq9U