Заңнаманы жетілдіру

Адам құқықтары жөніндегі уәкілдің Қазақстан Республикасындағы негізгі бағыттарының бірі - Қазақстан Республикасының заңнамасын жетілдіруге ықпал ету.

Осылайша, Қазақстан Республикасындағы Адам құқықтары жөніндегі уәкіл туралы ереженің 19-тармағына сәйкес Уәкіл өз құзыреті шегінде Қазақстан Республикасының халықаралық құқықтың жалпыға танылған қағидаттары мен нормаларына сәйкес келетін адам құқықтары мен бостандықтары, оларды қорғаудың нысандары мен әдістеріне қатысты заңнамасын жетілдіруге өз үлесін қосып, Қазақстан Республикасының мемлекеттік органдарына тиісті ұсыныстар енгізу арқылы адам құқықтары саласындағы халықаралық ынтымақтастықты дамытады.

Сондай-ақ, Уәкілдің жанынан Сараптамалық кеңес деп аталатын консультативтік-кеңесші орган жұмыс істейді. Сараптамалық кеңестің негізгі міндеттері: 

1. Адам құқықтары жөніндегі уәкілге өз өкілеттіктерін жүзеге асыру кезінде кеңестер беру; 
2. Сараптама жұмысы: 

• Қазақстан Республикасының адам құқықтары мен бостандықтары туралы заңнамасын оны жалпыға танылған қағидаттар мен халықаралық құқық нормаларына сәйкестендіру бойынша жетілдіру бойынша ұсыныстар әзірлеу; 
• Адам құқықтары жөніндегі уәкілдің Қазақстан Республикасының Президентіне жыл сайынғы баяндамаларын дайындау.