Қазақстан Республикасындағы Адам құқықтары жөніндегі Уәкiл жанындағы Ғылыми комиссия «Қазақстан Республикасындағы Адам құқықтары жөнiндегi уәкiл туралы» Қазақстан Республикасы Конституциялық заңының 12-бабының 3-тармағына сәйкес құрылды.
Ғылыми комиссия Адам құқықтары жөніндегі Уәкіл қызметін ғылыми-сараптамалық қамтамасыз ету үшін құрылатын тұрақты жұмыс істейтін консультативтік-кеңесші орган болып табылады.
Ғылыми комиссия өз қызметін Конституцияға, «Қазақстан Республикасындағы Адам құқықтары жөніндегі Уәкіл туралы» Конституциялық заңға, халықаралық шарттар мен міндеттемелерге, Қазақстан Республикасының өзге де нормативтік құқықтық актілеріне, сондай-ақ Ғылыми комиссия туралы Ережеге сәйкес жүзеге асырады.
Ғылыми комиссия өз қызметінде ғылыми объективтілік, заңдылық, ашықтық, адам құқықтары мен бостандықтарының басымдығы, сондай-ақ ғылыми этиканы құрметтеу қағидаттарын басшылыққа алады.
Ғылыми комиссия мақсаты Қазақстан Республикасында адам құқықтары саласындағы мемлекеттік саясатты жүйелі жетілдіруге, халықаралық стандарттарды енгізуге, құқық қорғау қызметінің сапасын арттыруға және адам құқықтары жөніндегі ғылыми ойды дамытуға бағытталған адам құқықтары жөніндегі Уәкілдің қызметін ғылыми-әдістемелік, талдамалық және сараптамалық қамтамасыз ету болып табылады.
Ғылыми комиссия құрамына адам құқықтары, халықаралық құқық, әлеуметтану, саясаттану, құқықтану және сабақтас ғылымдар саласында танылған тәжірибесі мен білімі бар ғалымдар, зерттеушілер, оқытушылар және басқа да мамандар кіреді