2025 жылғы 5 қарашадағы Қазақстан Республикасы Президентінің № 1081 Жарлығымен еліміздің ішкі саясатының негізгі қағидаттары, құндылықтары мен бағыттары бекітілді. Олардың негізін қоғамдық келісімді нығайту, әділеттілік пен заңдылықты қамтамасыз ету, азаматтардың өмір сүру сапасын арттыру, жасампаз еңбекті қолдау және адами әлеуетті дамыту құрайды.
«Адал азамат» тұжырымдамасында жауапты азаматтық қоғамды қалыптастыруға ықпал ететін құндылықтар көрініс тапқан. Мұнда өз міндеттеріне адал қарау, өзге адамдардың құқықтары мен бостандықтарын құрметтеу, білімге, еңбекке және тұлғалық дамуға ұмтылу туралы сөз болып отыр.
Бұл қағидаттарды іске асыру әрбір адамның күнделікті іс-әрекетінен басталады. Дәл осындай азаматтық ұстаным құқықтық мәдениет пен қоғамдық сенімді нығайтуға және мемлекеттің тұрақты дамуына ықпал етеді.