Сыбайлас жемқорлық - бұл тек заң бұзушылық қана емес, адам құқықтары мен әділдік қағидаттарына төнетін негізгі қауіптердің бірі. Ол мемлекеттік институттарға деген сенімді әлсіретеді, теңсіз жағдай қалыптастырады және қоғамның дамуына кедергі келтіреді.
Шешімдер «таныстықпен» немесе сыйақы үшін қабылданған жағдайда, ең алдымен азаматтардың білім алуға, сапалы медициналық көмекке, әділ сотқа және адал бәсекелестікке тең қол жеткізу құқықтары зардап шегеді. Кез келген сатып алынған анықтама, формалды тексеру немесе заңсыз артықшылық — бұл басқа адамдардың мүдделеріне нұқсан келтіру.
«Адал азамат» тұжырымдамасының негізінде адалдық, жауапкершілік, заңға құрмет және қоғам сенімі мен мүмкіндіктер теңдігін бұзатын құбылыс ретінде сыбайлас жемқорлықты қабылдамау қағидаттары жатыр.
Сыбайлас жемқорлыққа мүлдем төзбеушілік әр азаматтың жеке таңдауынан басталады: пара бермеу және алмау, заңды сақтау және құқық бұзушылықтарға бейжай қарамау.
Адал әрі ашық ортаны қалыптастыру — мемлекет пен қоғамның ортақ міндеті. Заңға құрмет, ашықтық және жеке жауапкершілік болған жағдайда ғана адам құқықтары мен тең мүмкіндіктер сөзсіз құндылық болып саналатын әділетті қоғам құру мүмкін болады.